Noha & Marsiya

Aaj Shabbir Pe Kya Aalam-e-Tanhai Hai

آج شبیرؔ پہ کیا عالمِ تنہائی ہے

Marsiya by Mir Anees

Source: Urdu text: Urdu Wikisource (public domain). Roman Urdu and English: prepared by the Centre.

Stanza 1

آج شبیرؔ پہ کیا عالمِ تنہائی ہے ظلم کی چاند پہ زہراؔ کے گھٹا چھائی ہے اس طرف لشکرِ اعدا میں صف آرائی ہے یاں نہ بیٹا نہ بھتیجا نہ کوئی بھائی ہے برچھیاں کھاتے چلے جاتے ہیں تلواروں میں مار لو پیاسے کو ہے شور ستمگاروں میں

Aaj Shabbir pe kya aalam-e-tanhai hai Zulm ki chaand pe Zahra ke ghata chhaayi hai Us taraf lashkar-e-aada mein saf aarai hai Yaan na beta na bhateeja na koi bhai hai Barchhiyan khaate chale jaate hain talwaron mein Maar lo pyaase ko hai shor sitamgaron mein

What solitude has come upon Shabbir today!
The cloud of oppression has covered Zahra's moon;
On that side the enemy army is drawing up its ranks;
Here there is no son, no nephew, no brother.
Taking lance-thrusts, he presses on among the swords;
Among the oppressors the cry is, "Kill the thirsty one!"

Stanza 2

زخمی بازو ہیں کمرخم ہے بدن میں نہیں تاب ڈگمگاتے ہیں نکل جاتی ہے قدموں سے رکاب پیاس کا غلبہ ہے لب خشک ہیں آنکھیں ہیں پر آب تیغ سے دیتے ہیں ہر وار کا اعدا کو جواب شدتِ ضعف میں جس جا پہ ٹھہر جاتے ہیں سیکڑوں تیر ستم تن سے گذر جاتے ہیں

Zakhmi bazu hain kamar kham hai badan mein nahin taab Dagmagaate hain nikal jaati hai qadmon se rikab Pyaas ka ghalba hai lab khushk hain aankhen hain pur aab Tegh se dete hain har waar ka aada ko jawab Shiddat-e-zoaf mein jis ja pe thehar jaate hain Saikron teer-e-sitam tan se guzar jaate hain

His arms are wounded, his back is bent, there is no strength in his body;
He sways, and the stirrup slips from his feet;
Thirst overwhelms him; his lips are dry, his eyes brimming with tears;
With his sword he answers every blow of the enemy.
Wherever, in his utter weakness, he comes to a halt,
Hundreds of cruel arrows pass through his body.

Stanza 3

گیسو آلودۂ خوں لپٹے ہیں رخساروں سے شانے کٹ کٹ کے لٹک آئے ہیں تلواروں سے تیرہ پیوست ہیں خوں بہتا ہے سوفاروں سے لاکھ آفت میں ہے اک جان دل آزاروں سے فکر ہے سجدۂ معبود میں سر دینے کی وار سے تیغوں کے فرصت نہیں، دم لینے کی

Gesu aaluda-e-khoon lipte hain rukhsaron se Shaane kat kat ke latak aaye hain talwaron se Terah paiwast hain khoon behta hai sofaron se Laakh aafat mein hai ik jaan dil aazaron se Fikr hai sajda-e-mabood mein sar dene ki Waar se teghon ke fursat nahin, dam lene ki

His blood-soaked locks cling to his cheeks;
His shoulders, slashed again and again by swords, hang down;
Arrows are lodged in him; blood flows from their notches;
One life is beset by a hundred thousand torments from the cruel.
His one care is to give his head in prostration to the One he worships;
The blows of the swords leave him no respite to draw breath.

Stanza 4

خون سے تر پیچ عمامے کے ہیں سر زخمی ہے ہے جبیں چاند سی پر نور مگر زخمی ہے سینہ سب برچھیوں سے تا بہ کمر زخمی ہے تیرِ بیداد سے دل زخمی، جگر زخمی ہے ضربِ شمشیر سے بیکار ہیں بازو دونوں ظلم کے تیروں سے مجروح ہیں پہلو دونوں

Khoon se tar pech amaame ke hain sar zakhmi hai Hai jabeen chaand si pur noor magar zakhmi hai Seena sab barchhiyon se ta ba kamar zakhmi hai Teer-e-bedad se dil zakhmi, jigar zakhmi hai Zarb-e-shamsheer se bekar hain bazu donon Zulm ke teeron se majrooh hain pehlu donon

The folds of his turban are soaked with blood; his head is wounded;
His brow is radiant as the moon, but it is wounded;
His whole breast down to the waist is wounded by lances;
By the arrows of injustice his heart is wounded, his liver is wounded.
Both his arms are useless from the blows of swords;
Both his sides are wounded by the arrows of cruelty.

Stanza 5

برچھی آ کر کوئی پہلو میں لگا جاتا ہے مارتا ہے کوئی نیزہ تو غش آجاتا ہے بڑھتے ہیں زخمِ بدن، زور گھٹا جاتا ہے بند آنکھیں ہیں، سرِ پاک جھکا جاتا ہے گردِ زہراؔ و علیؔ گریہ کناں پھرتے ہیں غل ہے گھوڑے سے امام دو جہاں گرتے ہیں

Barchhi aa kar koi pehlu mein laga jaata hai Maarta hai koi neza to ghash aa jaata hai Barhte hain zakhm-e-badan, zor ghata jaata hai Band aankhen hain, sar-e-pak jhuka jaata hai Gird-e-Zahra-o-Ali girya kunan phirte hain Ghul hai ghore se Imam-e-do jahan girte hain

One comes and drives a lance into his side;
Another strikes with a spear, and he falls into a faint;
The wounds on his body grow, his strength ebbs away;
His eyes are closed; his pure head droops.
Zahra and Ali circle round him, weeping;
There is a cry: "The Imam of both worlds is falling from his horse!"

Stanza 6

گرتے ہیں قطرۂ خوں زخمِ جبیں سے پیہم دستِ مجروح سے کھنچ سکتے نہیں تیرِ ستم فکر ہے بخششِ امت کی کچھ اپنا نہیں غم کرتے ہیں شکرِ خدا خشک زباں سے ہر دم ہے عبا تیروں سے غرباں قبا گلگوں ہے ہونٹ یا وقت سے زخمی ہیں دہن پر خوں ہے

Girte hain qatra-e-khoon zakhm-e-jabeen se paiham Dast-e-majrooh se khinch sakte nahin teer-e-sitam Fikr hai bakhshish-e-ummat ki kuchh apna nahin gham Karte hain shukr-e-Khuda khushk zaban se har dam Hai aba teeron se ghirban qaba gulgoon hai Hont ya waqt se zakhmi hain dahan pur khoon hai

Drops of blood fall ceaselessly from the wound on his brow;
With his wounded hands he cannot draw out the cruel arrows;
His care is the forgiveness of the community; for himself he has no grief;
With his dry tongue he thanks God every moment.
His cloak is a sieve from the arrows; his robe is red as a rose;
His ruby lips are wounded; his mouth is full of blood.

Stanza 7

زیں سے ہوتا ہے جدا دوشِ محمد کا مکیں چمنِ فاطمہ کا سرو ہے مائل بہ زمیں برچھیاں گرد ہیں اور بیچ میں ہیں سرورِ دیں ہے یہ نزدیک گرے مہرِ نبوت کا نگیں پاؤں ہر بار رکابوں سے نکل جاتے ہیں یا علیؔ کہتی ہے زینبؔ تو سنبھل جاتے ہیں

Zeen se hota hai juda dosh-e-Muhammad ka makeen Chaman-e-Fatima ka sarv hai mail ba zameen Barchhiyan gird hain aur beech mein hain sarwar-e-deen Hai ye nazdeek gire mohr-e-nubuwwat ka nageen Paaon har baar rikabon se nikal jaate hain Ya Ali kehti hai Zainab to sambhal jaate hain

The one who rode on Muhammad's shoulder is parting from the saddle;
The cypress of Fatima's garden is bending to the ground;
Lances surround him, and in their midst is the Chief of the faith;
The gem of the seal of prophethood is about to fall.
Again and again his feet slip from the stirrups;
When Zainab cries "Ya Ali!" he steadies himself.

Stanza 8

لاکھ تلواریں ہیں اورایک تنِ اطہر ہے ایک مظلوم ہے اور ظالموں کا لشکر ہے سیکڑوں خنجرِ فولاد ہیں اور اک سر ہے نہ کوئی یار، نہ ہمدم، نہ کوئی یاور ہے باگ گھوڑے کی لٹکتی ہے، اٹھا سکتے نہیں سامنے اہلِ حرم روتے ہیں، جا سکتے نہیں

Laakh talwaren hain aur ek tan-e-athar hai Ek mazloom hai aur zalimon ka lashkar hai Saikron khanjar-e-faulad hain aur ik sar hai Na koi yaar, na hamdam, na koi yawar hai Baag ghore ki latakti hai, utha sakte nahin Saamne ahl-e-haram rote hain, ja sakte nahin

There are a hundred thousand swords and one most pure body;
One wronged man, and an army of oppressors;
Hundreds of steel daggers, and a single head;
No friend, no companion, no helper.
The horse's reins hang loose; he cannot lift them;
Before him the women of his household weep; he cannot go to them.

Stanza 9

کوئی سید کا نہیں آہ، بچانے والا حربے لاکھوں ہیں، اور اک زخم اٹھانے والا پیاس میں کوئی نہیں، پانی پلانے والا سنبھلے کس طرح بھلا، برچھیاں کھانے والا چرخ سے آگ برستی ہے زمیں جلتی ہے مارے گرمی کے زباں خشک ہے، لُو چلتی ہے

Koi Sayyid ka nahin aah, bachaane waala Harbe laakhon hain, aur ik zakhm uthaane waala Pyaas mein koi nahin, paani pilaane waala Sambhle kis tarah bhala, barchhiyan khaane waala Charkh se aag barasti hai zameen jalti hai Maare garmi ke zaban khushk hai, lu chalti hai

Alas, there is no one to save the Sayyid;
A hundred thousand weapons, and one man to bear the wounds;
In his thirst there is no one to give him water;
How can one who is taking lance-thrusts stay steady?
Fire rains from the sky; the earth is burning;
His tongue is dry from the heat; the scorching wind blows.

Stanza 10

کہیں دم لینے کو سایہ نہیں، ہے وقت زوال اینٹھی جاتی ہے زباں پیاس کی شدت ہے کمال کبھی زینبؔ کا ہے غم گاہ سکینہؔ کا خیال دن جو ڈھلتا ہے تو حضرت ہوئے جاتے ہیں نڈھال مثلِ خورشید، بدن ضعف سے تھراتا ہے نیر برجِ امامت پہ زوال آتا ہے

Kahin dam lene ko saaya nahin, hai waqt-e-zawal Ainthi jaati hai zaban pyaas ki shiddat hai kamal Kabhi Zainab ka hai gham gaah Sakina ka khayal Din jo dhalta hai to Hazrat hue jaate hain nidhaal Misl-e-khursheed, badan zoaf se tharrata hai Nayyar-e-burj-e-imamat pe zawal aata hai

There is no shade anywhere to rest in; it is the hour of the sun's decline;
His tongue is shrivelling; the thirst is extreme;
Now he grieves for Zainab, now he thinks of Sakina;
As the day declines, the Hazrat grows faint.
Like the sun, his body trembles with weakness;
Decline is coming upon the sun of the house of Imamate.

Stanza 11

کہتے ہیں ظالموں سے، خشک زباں دکھلا کر بہرِ حق پانی کا، اک جام پلادو لا کر اہلِ کیں کہتے ہیں یہ تیغِ ستم چمکا کر آبِ شمشیر پیو برچھیوں کے پھل کھا کر یہ سخن سن کے بھی غصہ نہیں فرماتے ہیں یاس سے سوئے فلک دیکھ کے رہ جاتے ہیں

Kehte hain zalimon se, khushk zaban dikhla kar Bahr-e-Haq paani ka, ik jaam pila do la kar Ahl-e-keen kehte hain ye tegh-e-sitam chamka kar Aab-e-shamsheer piyo barchhiyon ke phal kha kar Ye sukhan sun ke bhi ghussa nahin farmaate hain Yaas se soo-e-falak dekh ke reh jaate hain

Showing his dry tongue, he says to the oppressors,
"For God's sake, bring me a single cup of water."
The hateful flash their cruel swords and say,
"Eat the fruit of the lances, then drink the water of the sword!"
Even hearing these words he shows no anger;
In despair he only looks up towards heaven.

Stanza 12

عرض کرتے ہیں یہ خالق سے کہ اے ربِ غفور! تو ہے عالم کہ نہیں کچھ ترے بندے کا قصور کرتے ہیں یہ مجھے بے جرم و خطا تیغوں سے چور ہاتھ امت پہ اٹھانا نہیں مجھ کو منظور جانتے ہیں کہ محمدؔ کا نواسا ہوں میں پانی دیتے نہیں دو روز کا پیاسا ہوں میں

Arz karte hain ye Khaliq se ke ae Rab-e-ghafoor! Tu hai aalim ke nahin kuchh tere bande ka qusoor Karte hain ye mujhe be jurm-o-khata teghon se choor Haath ummat pe uthana nahin mujh ko manzoor Jaante hain ke Muhammad ka nawaasa hoon main Paani dete nahin do roz ka pyaasa hoon main

He prays to the Creator: "O forgiving Lord!
You know that Your servant is in no way at fault;
Though I have done no crime or wrong, they cut me to pieces with swords;
I will not raise my hand against the community.
They know that I am Muhammad's grandson;
They give me no water; I have been thirsty for two days."

Stanza 13

تو نے بچپن سے مرے ناز اٹھائے یارب وہ عنایت کیا جو تجھ سے کیا میں نے طلب تیرا محبوب بنا عید کو میرا مرکب روزہ رکھا تو چھپا مہر نمایاں ہوئی شب بھوک میں خلد کا کھانا مجھے امداد کیا بھیج کر ہرنی کا بچہ مرا دل شاد کیا

Tu ne bachpan se mere naaz uthaaye ya Rab Wo inayat kiya jo tujh se kiya main ne talab Tera mahboob bana Eid ko mera markab Roza rakha to chhupa mehr numayan hui shab Bhook mein khuld ka khana mujhe imdad kiya Bhej kar harni ka bachcha mera dil shaad kiya

"From childhood You have cherished me, O Lord;
You granted whatever I asked of You;
On Eid Your Beloved became my mount;
When I kept a fast, the sun hid and night appeared;
When I was hungry You helped me with food from Paradise;
You gladdened my heart by sending a fawn."

Stanza 14

اب اگر ہے یہ تری مصلحت اے ربِّ قدیر ہو رواں حلق پہ اس پیاسے کے آبِ شمشیر میرے مولا بہ سر و چشم ہے حاضر شبیر حکمِ حاکم میں یہ طاقت ہے کروں میں تاخیر جلد گردن پہ رواں، خنجرِ برّآں ہووے اے خوشا وہ، جو تری راہ میں قرباں ہووے

Ab agar hai ye teri maslahat ae Rab-e-qadeer Ho rawan halq pe is pyaase ke aab-e-shamsheer Mere Maula ba sar-o-chashm hai hazir Shabbir Hukm-e-hakim mein ye taqat hai karoon main takheer Jald gardan pe rawan, khanjar-e-burran howe Ae khusha wo, jo teri raah mein qurbaan howe

"Now if this is Your purpose, O Almighty Lord,
That the water of the sword should run over this thirsty one's throat,
My Master, Shabbir is here and ready with all his heart;
Have I the strength to delay when the Ruler commands?
Let the keen dagger pass quickly over my neck;
Happy is he who is sacrificed in Your way!"

Stanza 15

غم نہیں کچھ مجھے گو بیکس و بے یار ہوں میں زیرِ شمشیر گلا رکھنے کو تیار ہوں میں تو مددگار ہے، مختار ہے لاچار ہوں میں وقتِ مشکل ہے، عنایت کا طلبگار ہوں میں تیرے سجدے میں یہ سر تن سے جدا ہو جاوے عہدِ طفلی کا جو وعدہ ہے، وفا ہو جاوے

Gham nahin kuchh mujhe go bekas-o-be yaar hoon main Zer-e-shamsheer gala rakhne ko tayyar hoon main Tu madadgar hai, mukhtar hai lachar hoon main Waqt-e-mushkil hai, inayat ka talabgar hoon main Tere sajde mein ye sar tan se juda ho jaawe Ahd-e-tifli ka jo wada hai, wafa ho jaawe

"I have no grief, though I am helpless and friendless;
I am ready to lay my throat beneath the sword;
You are the Helper, You hold all power; I am powerless;
It is a hard hour; I seek Your grace.
Let this head be parted from my body in prostration to You;
Let the promise made in childhood be kept."

Stanza 16

سختیاں مرگ کی کر اپنے کرم سے آساں لب پہ تکبیر ہو، جب حلق پہ خنجر ہو رواں دل میں ہو یاد تری، بند ہو جس وقت زباں دم بھروں تیرا ہی تن سے جو نکلنے لگے جاں بعدِ چہلم جو مجھے قبر میسر ہووے زخمی تن پر نہ فشار اے مرے داور ہووے

Sakhtiyan marg ki kar apne karam se aasan Lab pe takbeer ho, jab halq pe khanjar ho rawan Dil mein ho yaad teri, band ho jis waqt zaban Dam bharoon tera hi tan se jo nikalne lage jaan Baad-e-chehlum jo mujhe qabr muyassar howe Zakhmi tan par na fishar ae mere dawar howe

"By Your grace make the hardships of death easy;
Let the takbir be on my lips when the dagger runs over my throat;
Let Your remembrance be in my heart when my tongue falls silent;
Let me breathe Your name alone as my soul begins to leave my body.
When after the fortieth day a grave is granted me,
Let the grave not press upon this wounded body, O my Judge."

Stanza 17

رحم کر رحم کر شرمندہ ہوں اے بارِ خدا بندگی کا ترے جو حق تھا ادا ہو نہ سکا خوفِ محشر سے، بدن کانپتا ہے، سرتاپا ہوگی اعمال کی پرسش تو، کہوں گا میں کیا؟ کوئی تحفہ ترے لائق نہیں پاتا ہے حسینؔ ہاتھ خالی ترے دربار میں آتا ہے حسینؔ

Rahm kar rahm kar sharminda hoon ae baar-e-Khuda Bandagi ka tere jo haq tha ada ho na saka Khauf-e-mahshar se, badan kaanpta hai, sar ta pa Hogi aamal ki pursish to, kahoon ga main kya? Koi tohfa tere laiq nahin paata hai Husain Haath khaali tere darbar mein aata hai Husain

"Have mercy, have mercy; I am ashamed, O Lord God;
I could not render the service that was Your due;
From fear of the Day of Gathering my body trembles from head to foot;
When my deeds are questioned, what shall I say?
Husain finds no gift worthy of You;
Husain comes to Your court empty-handed."

Stanza 18

تقویت دل کو کرم سے ہے ترے یا رحماں نہیں مایوس کہ رحمت ہے تری بے پایاں مشکلیں بندوں کی کر دیتا ہے دم میں آساں شکر الطاف و عنایات میں قاصر ہے زباں عاصیوں سے بھی محبت نہیں کم کرتا ہے جرم وہ کرتے ہیں تو لطف و کرم کرتا ہے

Taqwiyat dil ko karam se hai tere ya Rahman Nahin mayoos ke rahmat hai teri be payan Mushkilen bandon ki kar deta hai dam mein aasan Shukr-e-altaf-o-inayat mein qasir hai zaban Aasiyon se bhi mohabbat nahin kam karta hai Jurm wo karte hain to lutf-o-karam karta hai

"My heart takes strength from Your grace, O Merciful One;
I do not despair, for Your mercy is boundless;
You make Your servants' hardships easy in a moment;
My tongue falls short in thanks for Your favours and kindnesses.
Even towards sinners Your love does not lessen;
They commit offences, and You answer with kindness and grace."

Stanza 19

میں تری راہ میں مظلومی سے ہوتا ہوں فدا تو ہے آگاہ کہ دو دن کا ہوں بھوکا پیاسا چاہتا ہوں میں یہی، اپنی شہادت کا صلا مغفرت امتِ عاصی کی ہو اے بارِ خدا ہے گوارا مجھے جو کچھ کہ اذیت ہووے ان کو دنیا میں بھی عقبیٰ میں بھی راحت ہووے

Main teri raah mein mazloomi se hota hoon fida Tu hai aagah ke do din ka hoon bhooka pyaasa Chaahta hoon main yahi, apni shahadat ka sila Maghfirat ummat-e-aasi ki ho ae baar-e-Khuda Hai gawara mujhe jo kuchh ke aziyat howe Un ko duniya mein bhi uqba mein bhi raahat howe

"In Your way I give my life, wronged and helpless;
You know that I have been hungry and thirsty for two days;
This alone I ask as the reward of my martyrdom:
That the sinful community be forgiven, O Lord God.
Whatever torment comes to me, I accept;
Let them have comfort in this world and in the next."

Stanza 20

عرض کرتے تھے یہ خالق سے شۂ بندہ نواز یک بیک عالمِ بالا سے یہ آئی آواز اے مرے شیر کے فرزند، نبی کے دمساز تجھ سے ہم خوش ہیں پذیرا ہے ترا عجز و نیاز مرد ہے عاشقِ کامل ہے، وفادار ہے تو جو کہا وہ ہی کیا صادق الاقرار ہے تو

Arz karte the ye Khaliq se shah-e-banda nawaz Yak bayak aalam-e-bala se ye aayi aawaz Ae mere sher ke farzand, nabi ke damsaz Tujh se hum khush hain pazira hai tera ajz-o-niyaz Mard hai aashiq-e-kamil hai, wafadar hai tu Jo kaha wo hi kiya sadiq-ul-iqrar hai tu

So the King who cherishes his servants prayed to the Creator,
When suddenly a voice came from the world above:
"O son of My lion, O intimate of the Prophet,
We are pleased with you; your humility and prayer are accepted;
You are a true man, a perfect lover, a faithful one;
What you said, you did; you are true to your word."

Stanza 21

تو بھی مقبول ہے اور تیری عبادت بھی قبول یہ اطاعت بھی ہے مقبول، یہ طاعت بھی قبول عاجزی بھی تری مقبول، شہادت بھی قبول تیری خاطر سے ہمیں بخششِ امت بھی قبول ہم نے خیل شہدا کا تجھے سردار کیا امتِ احمد مختار کا مختار کیا

Tu bhi maqbool hai aur teri ibadat bhi qubool Ye itaat bhi hai maqbool, ye taat bhi qubool Aajizi bhi teri maqbool, shahadat bhi qubool Teri khatir se hamen bakhshish-e-ummat bhi qubool Hum ne khail-e-shohada ka tujhe sardar kiya Ummat-e-Ahmad-e-mukhtar ka mukhtar kiya

"You are accepted, and your worship is accepted;
This obedience is accepted, and this devotion too;
Your humility is accepted, and your martyrdom too;
For your sake We accept the forgiveness of the community too.
We have made you chief of the company of martyrs;
We have made you master over the community of Ahmad, the Chosen."

Stanza 22

دوست داروں کا ترے گلشنِ جنت ہے مقام تاابد سایۂ طوبیٰ میں کریں گے آرام ہوں گے محشور ترے ساتھ عزادار تمام تجھ کو جو روئیں گے آنچ ان پہ ہے دوزخ کی حرام غم نہ کھا! اہلِ جہاں تیرے محب سارے ہیں تو ہے پیارا، ترے پیارے بھی ہمیں پیارے ہیں

Dost daaron ka tere gulshan-e-jannat hai maqam Ta abad saaya-e-Tooba mein karen ge aaram Hon ge mahshoor tere saath azadar tamam Tujh ko jo royen ge aanch un pe hai dozakh ki haram Gham na kha! ahl-e-jahan tere muhib saare hain Tu hai pyaara, tere pyaare bhi hamen pyaare hain

"The garden of Paradise is the home of those who love you;
For ever they will rest in the shade of the Tooba tree;
All your mourners will be raised with you;
The heat of Hell is forbidden to those who weep for you.
Do not grieve! All the people of the world love you;
You are dear to Us, and those dear to you are dear to Us too."

Stanza 23

ہوں گے ہر رنج سے، محفوظ ترے تعزیہ دار سختیِٔ مرگ نہ ان کو ہے، نہ ایذائے فشار دمِ مردن نظر آوے گا علیؔ کا دیدار قبر سے گلشنِ فردوس کی دیکھیں گے بہار دار دنیا ہی میں ہیں جو سو انہیں ایذا ہے آنکھیں جب بند ہوئیں پھر، درِ جنت وا ہے

Hon ge har ranj se, mahfooz tere taziya daar Sakhti-e-marg na un ko hai, na eeza-e-fishar Dam-e-murdan nazar aawe ga Ali ka deedar Qabr se gulshan-e-firdaus ki dekhen ge bahar Daar-e-duniya hi mein hain jo so unhen eeza hai Aankhen jab band huin phir, dar-e-jannat wa hai

"Those who keep your mourning will be safe from every sorrow;
For them there is no hardship in death, no torment of the grave's pressing;
At the moment of death they will see the face of Ali;
From the grave they will see the spring of the garden of Paradise.
Whatever pain they suffer is only while they are in this world;
Once their eyes close, the door of Paradise stands open."

Stanza 24

تجھ سا عابد نہ ہوا ہے، نہ کوئی ہووے گا تیر کھا کھا کے کسی نے بھی ہے یوں شکر کیا طاعتِ خلق سے اک سجدہ ہے افضل تیرا عرشِ اعظم پہ، ملائک تری کرتے ہیں ثنا سارا گھر میری محبت میں، فنا تو نے کیا بندگی کا تھا جو کچھ حق وہ ادا تو نے کیا

Tujh sa aabid na hua hai, na koi howe ga Teer kha kha ke kisi ne bhi hai yun shukr kiya Taat-e-khalq se ik sajda hai afzal tera Arsh-e-azam pe, malaik teri karte hain sana Saara ghar meri mohabbat mein, fana tu ne kiya Bandagi ka tha jo kuchh haq wo ada tu ne kiya

"There has never been a worshipper like you, nor will there ever be;
Has anyone ever given thanks like this while struck by arrow after arrow?
A single prostration of yours is worth more than the worship of all creation;
On the mighty Throne the angels sing your praise.
For love of Me you gave up your whole household;
All that was due in service, you have fulfilled."

Stanza 25

حشر تک روئے گا مظلومی پہ تیری عالم تیرا ماتم نہیں ہووے گا جہاں میں کبھی کم روضۂ پاک کو تیرے یہ شرف بخشیں گے ہم آئیں گے جس کی زیارت کو ملک ہو کے بہم یہ زمیں عرش سے رتبے میں سوا ہووے گی خاک تربت کی تری خاکِ شفا ہووے گی

Hashr tak roye ga mazloomi pe teri aalam Tera matam nahin howe ga jahan mein kabhi kam Rauza-e-pak ko tere ye sharaf bakhshen ge hum Aayen ge jis ki ziyarat ko malak ho ke baham Ye zameen arsh se rutbe mein siwa howe gi Khaak turbat ki teri khaak-e-shifa howe gi

"Until the Day of Judgement the world will weep for the wrongs done to you;
Your mourning will never grow less in the world;
We shall give your pure shrine such honour
That angels will come together to visit it;
This ground will stand higher in rank than the Throne;
The dust of your grave will be the dust of healing."

Stanza 26

یہ صدا سن کے ہوئے شاد شۂ ہر دوسرا آ گئی از سرِ نو جسم میں طاقت گویا جھک کے سجدے کی طرف عجز سے رو کر یہ کہا میرے مولا میں تری بندہ نوازی کے فدا کیوں نہ ممتاز ہو وہ تو جسے رتبہ بخشے اس کفِ خاک کو کیا رتبۂ اعلیٰ بخشے

Ye sada sun ke hue shaad shah-e-har do sara Aa gayi az sar-e-nau jism mein taqat goya Jhuk ke sajde ki taraf ajz se ro kar ye kaha Mere Maula main teri banda nawazi ke fida Kyun na mumtaz ho wo tu jise rutba bakhshe Is kaf-e-khaak ko kya rutba-e-aala bakhshe

Hearing this voice, the King of both worlds rejoiced;
It was as if strength had come back into his body anew;
Bowing into prostration, he wept and said humbly,
"My Master, I would give my life for Your kindness to Your servants;
Why should he not be honoured to whom You grant rank?
What a lofty rank You have given this handful of dust!"

Stanza 27

ابھی مولا نے سرِ عجز اٹھایا نہ تھا آہ نیزہ اک چھاتی پہ مارا جو کسی نے ناگاہ غش میں گرنے لگے گھوڑے سے امامِ ذی جاہ آئی خاتونِ قیامت کی صدا بسم اللہ تھامنے آئے علیؔ خلد سے گھبرائے ہوئے دوڑے محبوبِ خدا ہاتھوں کو پھیلائے ہوئے

Abhi Maula ne sar-e-ajz uthaya na tha aah Neza ik chhaati pe maara jo kisi ne nagaah Ghash mein girne lage ghore se Imam-e-zi jaah Aayi khatoon-e-qiyamat ki sada Bismillah Thaamne aaye Ali khuld se ghabraaye hue Daure mahboob-e-Khuda haathon ko phailaaye hue

Alas, the Master had not yet raised his humbled head
When suddenly someone struck his chest with a spear;
Fainting, the exalted Imam began to fall from his horse;
The voice of the Lady of the Resurrection was heard: "In the name of Allah!"
Ali came in alarm from Paradise to hold him;
God's Beloved ran with his arms outstretched.

Stanza 28

اک جفا کیش نے پھر پہلو پہ نیزہ مارا چھد گیا توڑ کے چھاتی کو کلیجہ سارا پشتِ تازی پہ، سنبھلنے کا نہ پایا یارا گر پڑا خاک پہ، وہ عرشِ خدا کا تارا گرد آلود قبائے شۂ پرنور ہوئی ریت زخموں کے لیے مرہم کافور ہوئی

Ik jafa kesh ne phir pehlu pe neza maara Chhid gaya tor ke chhaati ko kaleja saara Pusht-e-tazi pe, sambhalne ka na paaya yaara Gir para khaak pe, wo arsh-e-Khuda ka taara Gard aalood qaba-e-shah-e-pur noor hui Ret zakhmon ke liye marham-e-kafoor hui

Then a cruel man struck his side with a spear;
Breaking through his breast, it pierced his heart through and through;
He had no strength left to keep his seat on the horse's back;
That star of God's Throne fell to the ground.
The robe of the radiant King was covered in dust;
The sand became a camphor salve for his wounds.

Stanza 29

خاک و خوں میں جو تڑپتے تھے ، شہنشاہِ زمن گل کے مانند کھلے جاتے تھے سب زخمِ بدن طلبِ آب میں کھولے ہوئے تھے خشک دہن گرد کھینچے ہوئے تلواریں کھڑے تھے دشمن غمِ ناموس بھی تھا، پیاس کی بھی شدت تھی پھر سکینہؔ کو نہ دیکھ آئے یہی حسرت تھی

Khaak-o-khoon mein jo tarapte the, shahanshah-e-zaman Gul ke manind khule jaate the sab zakhm-e-badan Talab-e-aab mein khole hue the khushk dahan Gird khenche hue talwaren khare the dushman Gham-e-namoos bhi tha, pyaas ki bhi shiddat thi Phir Sakina ko na dekh aaye yahi hasrat thi

As the emperor of the age writhed in dust and blood,
All the wounds of his body were opening like flowers;
Seeking water, his dry mouth stood open;
Around him stood the enemy with swords drawn.
There was grief for the honour of his household, and fierce thirst too;
His one regret was that he had not gone back to see Sakina again.

Stanza 30

کان میں آتی تھی زینبؔ کے صدائے جاںکاہ دل تڑپ جاتا تھا کرتے تھے عجب درد سے آہ راہ روکے ہوئے خیمے کی، کھڑے تھے گمراہ نیم وا چشم سے کرتے تھے سوئے خیمہ نگہ تنِ زخمی پہ جو پیکانِ ستم گڑتے تھے خاک سے اٹھتے تھے اور کانپ کے گر پڑتے تھے

Kaan mein aati thi Zainab ke sada-e-jaan kaah Dil tarap jaata tha karte the ajab dard se aah Raah roke hue kheme ki, khare the gumrah Neem wa chashm se karte the soo-e-khema nigah Tan-e-zakhmi pe jo paikan-e-sitam garte the Khaak se uthte the aur kaanp ke gir parte the

Zainab's heart-rending cry kept reaching his ears;
His heart writhed; he sighed with a strange pain;
The misguided stood barring the way to the tents;
With half-open eyes he looked towards the tents.
As the cruel arrowheads dug into his wounded body,
He would rise from the dust, and trembling, fall again.

Stanza 31

کہتا تھا فوج میں سب سے عمر بد اختر کھنچے کیوں تیغوں کو ہاتھوں میں کھڑے ہو ششدر ریگِ تفتیدہ پہ ہے غش میں، علیؔ کا دلبر جاؤ کیا دیر ہے ، کاٹو شۂ مظلوم کا سر تیغ سے فاطمہؔ زہرا کا گلا چاک کرو جلد ہاں خاتمۂ پنجتن پاک کرو

Kehta tha fauj mein sab se Umar-e-bad akhtar Khinche kyun teghon ko haathon mein khare ho shashdar Reg-e-taftida pe hai ghash mein, Ali ka dilbar Jaao kya der hai, kaato shah-e-mazloom ka sar Tegh se Fatima Zahra ka gala chaak karo Jald haan khatima-e-Panjtan-e-pak karo

Umar ibn Saad, the ill-starred, was saying to everyone in the army,
"Why do you stand dumbfounded, swords drawn in your hands?
Ali's darling lies fainting on the burning sand;
Go, why delay? Cut off the head of the wronged King;
Slit Fatima Zahra's throat with the sword;
Quickly now, put an end to the pure Panjtan!"

Stanza 32

ایسے مظلوم کا، سر کاٹنا کیا ہے دشوار جس کا کوئی بھی مددگار، نہ ہمدرد، نہ یار عورتیں ہیں کئی خیمے میں غریب و ناچار مر چکے پہلے ہی جو خون کے تھے دعویدار خوں بہا بھی نہ کوئی مانگنے کو آوے گا اک پسر ہے سو وہ بیمار ہے مرجاوے گا

Aise mazloom ka, sar kaatna kya hai dushwar Jis ka koi bhi madadgar, na hamdard, na yaar Auraten hain kai kheme mein ghareeb-o-nachar Mar chuke pehle hi jo khoon ke the dawedar Khoon baha bhi na koi maangne ko aawe ga Ik pisar hai so wo beemar hai mar jaawe ga

"What is hard about cutting off the head of such a wronged man,
Who has no helper at all, no one to grieve for him, no friend?
There are a few women in the tent, poor and helpless;
Those who could claim his blood are already dead;
No one will even come to demand the blood-price;
There is one son, and he is sick and will die."

Stanza 33

کانپ کر کہتے تھے سب ہم سے نہ ہوگا یہ ستم ذبح فرزندِ محمدؔ کو نہیں کرنے کے ہم ایسے مظلوم کی چھاتی پہ جو رکھے گا قدم پاؤں جل جائے گا تھرائے گا عرشِ اعظم پیٹتے قبر سے محبوب خدا آویں گے بخدا فاطمہ کی آہ سے جل جاویں گے

Kaanp kar kehte the sab hum se na hoga ye sitam Zibah farzand-e-Muhammad ko nahin karne ke hum Aise mazloom ki chhaati pe jo rakhe ga qadam Paaon jal jaaye ga tharraaye ga arsh-e-azam Peette qabr se mahboob-e-Khuda aawen ge Bakhuda Fatima ki aah se jal jaawen ge

Trembling, they all said, "We cannot do this cruelty;
We will not slaughter the son of Muhammad;
Whoever sets his foot on the breast of such a wronged man,
His foot will burn, and the mighty Throne will tremble;
God's Beloved will come from his grave beating his breast;
By God, we shall be burnt by Fatima's sigh."

Stanza 34

کون بے کس کو بھلا ذبح کرے بے تقصیر پھرتا ہے کوئی پیاسے کے گلے پر شمشیر؟ گو کہ بے کس ہے پہ آساں نہیں، قتلِ شبیرؔ حشر میں ہوئیں گے محبوبِ خدا دامن گیر تو سمجھتا ہے کہ اس کا کوئی خوں خواہ نہیں بنتِ احمدؔ نہیں، حیدر نہیں، اللہ نہیں

Kaun be kas ko bhala zibah kare be taqseer Phirta hai koi pyaase ke gale par shamsheer? Go ke be kas hai pe aasan nahin, qatl-e-Shabbir Hashr mein hoyen ge mahboob-e-Khuda daaman geer Tu samajhta hai ke us ka koi khoon khwah nahin Bint-e-Ahmad nahin, Haidar nahin, Allah nahin

"Who would slaughter a helpless man who has done no wrong?
Does anyone run a sword over a thirsty man's throat?
Though he is helpless, killing Shabbir is no easy thing;
On the Day of Judgement God's Beloved will seize us by the hem.
You think there is no one to demand his blood:
Is there no daughter of Ahmad, no Haidar, no Allah?"

Stanza 35

تھا جو دمساز عمر ابن نمیر اظلم بڑھ کے تیغ اس نے سرِ شاہ پہ ماری اس دم تا جبیں ہو گیا مجروح سرِ شاہِ امم تھام کر سر کو پکارے یہ امامِ عالم نہ میسر تجھے اس ہاتھ سے کھانا ہووے تو تہی دست جہنم کو روانہ ہووے

Tha jo damsaz-e-Umar ibn-e-Numair-e-azlam Barh ke tegh us ne sar-e-shah pe maari us dam Ta jabeen ho gaya majrooh sar-e-shah-e-umam Thaam kar sar ko pukaare ye Imam-e-aalam Na muyassar tujhe is haath se khana howe Tu tahi dast jahannam ko rawana howe

Ibn Numair, the arch-tyrant, who was close to Umar ibn Saad,
Stepped forward and at that moment struck the King's head with his sword;
The head of the King of the nations was wounded down to the brow;
Holding his head, the Imam of the world cried out,
"May you never eat with this hand;
May you go to Hell empty-handed."

Stanza 36

چاہا ظالم نے کہ پھر شۂ پہ کرے تیغ کا وار دیکھا انگشت بدنداں ہیں رسولؐ مختار خشک اس وقت ہوئے دستِ ستمگر اک بار ہاتھ سے تیغ گری خوف سے بھاگا، خوں خوار یاں سرِ پاک سے حضرت کے لہو جاری تھا خم سوئے قبلہ تھے، بند آنکھیں تھیں غش طاری تھا

Chaaha zalim ne ke phir shah pe kare tegh ka waar Dekha angusht ba dandan hain rasool-e-mukhtar Khushk us waqt hue dast-e-sitamgar ik baar Haath se tegh giri khauf se bhaaga, khoon khwar Yaan sar-e-pak se Hazrat ke lahu jaari tha Kham soo-e-qibla the, band aankhen thin ghash taari tha

The tyrant meant to strike the King with his sword again,
But he saw the chosen Messenger (s) biting his finger in dismay;
At that moment the tyrant's hands withered at once;
The sword fell from his hand, and the bloodthirsty man fled in fear.
Here blood was flowing from the Hazrat's pure head;
He was bowed towards the Qibla, his eyes were closed, a faint was upon him.

Stanza 37

جب تڑپنے کی بھی طاقت نہ رہی سرور کو غل ہوا یہ کہ غش آیا، خلفِ حیدر کو فوج سے شمر بڑھا کھینچے ہوئے خنجر کو سب سے کہتا تھا کہ اب کاٹو سرِ سرور کو خلفِ احمدِ مختار کا قاتل ہوں میں کام میرا ہے، اسی کام کے قابل ہوں میں

Jab tarapne ki bhi taqat na rahi sarwar ko Ghul hua ye ke ghash aaya, khalaf-e-Haidar ko Fauj se Shimr barha khenche hue khanjar ko Sab se kehta tha ke ab kaato sar-e-sarwar ko Khalaf-e-Ahmad-e-mukhtar ka qatil hoon main Kaam mera hai, isi kaam ke qabil hoon main

When the Chief no longer had strength even to writhe,
A cry went up: "Haidar's son has fainted!"
Shimr came forward from the army with his dagger drawn;
He said to them all, "Now cut off the Chief's head;
I am the killer of the son of Ahmad, the Chosen;
The work is mine; I am the one fit for this work."

Stanza 38

مجھ کو حیدرؔ سے غرض ہے نہ محمدؔ سے ہے کام رو دیں محبوبِ خدا ہووے خوشی حاکمِ شام دولتِ فاطمہؔ لے جاؤں میں پاؤں انعام روح حیدرؔ کی ہو بے چین، مجھے ہو آرام منہ نہ میں دولتِ دنیا سے کبھی پھیروں گا آج زہراؔ کے کلیجے پہ چھری پھیروں گا

Mujh ko Haidar se gharaz hai na Muhammad se hai kaam Ro den mahboob-e-Khuda howe khushi hakim-e-Shaam Daulat-e-Fatima le jaaoon main paaoon inam Rooh Haidar ki ho be chain, mujhe ho aaram Munh na main daulat-e-duniya se kabhi pheroon ga Aaj Zahra ke kaleje pe chhuri pheroon ga

"I care nothing for Haidar and have nothing to do with Muhammad;
Let God's Beloved weep, so long as the ruler of Syria is pleased;
Let me carry off Fatima's treasure and win my reward;
Let Haidar's soul be restless, so long as I am at ease.
I will never turn my face from the wealth of the world;
Today I will draw the knife across Zahra's heart."

Stanza 39

تیز کرتا ہوا خنجر کو گیا شہ کے قریں آسماں ہل گیا تھرا گئی مقتل کی زمیں رو رو چلانے لگی زینبِؔ ناشادِ حزیں غش میں بھی گھیرے ہیں، ہے ہے مرے بھائی کو لعیں رحم زہراؔ کے پسر پر نہیں کھاتا کوئی خاک سے بھی نہیں زخمی کو اٹھاتا کوئی

Tez karta hua khanjar ko gaya shah ke qareen Aasmaan hil gaya tharra gayi maqtal ki zameen Ro ro chillaane lagi Zainab-e-nashad-e-hazeen Ghash mein bhi ghere hain, hae hae mere bhai ko laeen Rahm Zahra ke pisar par nahin khaata koi Khaak se bhi nahin zakhmi ko uthaata koi

Sharpening his dagger, he went close to the King;
The sky shook; the ground of the killing field trembled;
Weeping and weeping, the sorrowful, grieving Zainab began to cry out,
"Even in his faint the accursed surround my brother, alas, alas!
No one takes pity on Zahra's son;
No one even lifts the wounded man from the dust."

Stanza 40

کس سے فریاد کروں، جا کے میں دکھیا ہے ہے نہ محمدؔ ہیں نہ حیدرؔ ہیں نہ زہرا ہے ہے لاکھ دشمن ہیں مرا بھائی ہے تنہا ہے ہے تیغوں سے کٹتا ہے، زہراؔ کا کلیجا ہے ہے سروِ گلزارِ رسالت کو قلم کرتے ہیں ہائے سید پہ، مسافر پہ ستم کرتے ہیں

Kis se faryad karoon, ja ke main dukhiya hae hae Na Muhammad hain na Haidar hain na Zahra hae hae Laakh dushman hain mera bhai hai tanha hae hae Teghon se katta hai, Zahra ka kaleja hae hae Sarv-e-gulzar-e-risalat ko qalam karte hain Haaye Sayyid pe, musafir pe sitam karte hain

"To whom shall I go and cry for help, wretched as I am? Alas!
Muhammad is not here, nor Haidar, nor Zahra, alas!
There are a hundred thousand enemies, and my brother is alone, alas!
Zahra's heart is being cut by swords, alas!
They are cutting down the cypress of the garden of Prophethood;
Alas, they are tormenting a Sayyid, a traveller far from home!"

Stanza 41

گرد زینب کے تھا ناموس پیمبر کا ہجوم بانو روتی تھی، کھڑی پیٹتی تھی سر، کلثوم کہتی تھی دیکھ کے میداں کو سکینہ معصوم اے پھوپھی! نرغۂ اعدا میں ہیں شاہِ مظلوم جاؤں گی اب میں ٹھہرنے کی نہیں آپ کے پاس شمرؔ خنجر لیے جاتا ہے ، مرے باپ کے پاس

Gird Zainab ke tha namoos-e-payambar ka hujoom Bano roti thi, khari peetti thi sar, Kulsoom Kehti thi dekh ke maidan ko Sakina masoom Ae phuphi! nargha-e-aada mein hain shah-e-mazloom Jaaoon gi ab main thehrne ki nahin aap ke paas Shimr khanjar liye jaata hai, mere baap ke paas

Around Zainab thronged the women of the Prophet's household;
Bano wept, and Kulsoom stood beating her head;
Looking out at the field, the innocent Sakina said,
"O aunt! The wronged King is surrounded by enemies;
I will go now; I will not stay here with you;
Shimr is going with a dagger to my father!"

Stanza 42

باپ کے پاس سے ، جا کر اسے سرکاؤں گی جوڑ کر ہاتھوں کو منت سے میں سمجھاؤں گی اپنے بابا کی میں چھاتی سے لپٹ جاؤں گی خیمے تک ان کو سنبھالے ہوئے لے آؤں گی بھوکے پیاسے، مرے بابا کو نہ مارے کوئی ان کے بدلے، مرا سر تن سے اتارے کوئی

Baap ke paas se, ja kar use sarkaaoon gi Jor kar haathon ko minnat se main samjhaaoon gi Apne baba ki main chhaati se lipat jaaoon gi Kheme tak un ko sambhale hue le aaoon gi Bhooke pyaase, mere baba ko na maare koi Un ke badle, mera sar tan se utaare koi

"I will go and push him away from my father;
With folded hands I will plead with him;
I will cling to my father's breast;
I will hold him up and bring him back to the tent.
Let no one kill my hungry, thirsty father;
Let someone take my head from my body in his place."

Stanza 43

کتنا روکا اسے بانو نے پہ ہرگز نہ رکی چھوٹے سے ہاتھون سے سر پیٹتی میداں کو چلی پیچھے سر کھولے ہوئے خیمے سے زینبؔ نکلی پہونچی رن میں تو سکینہؔ یہ عمر سے بولی او لعیں حیدرِؔ کرار کی پوتی ہوں میں رحم کر! مجھ پہ کہ بِن باپ کی ہوتی ہوں میں

Kitna roka use Bano ne pe hargiz na ruki Chhote se haathon se sar peetti maidan ko chali Peechhe sar khole hue kheme se Zainab nikli Pahunchi ran mein to Sakina ye Umar se boli O laeen Haidar-e-Karrar ki poti hoon main Rahm kar! mujh pe ke bin baap ki hoti hoon main

However much Bano held her back, she would not stop;
Beating her head with her little hands, she set off for the field;
Behind her, Zainab came out of the tent bareheaded;
Reaching the field, Sakina said to Umar ibn Saad,
"O accursed one, I am the granddaughter of Haidar-e-Karrar;
Have mercy on me, for I am being left fatherless!"

Stanza 44

دیکھ غربت کو مری کر مرے بچپن پہ نظر باپ مارا گیا میرا تو جیوں گی کیوں کر؟ سر پہ آوے گی یتیمی تو میں جاؤں گی کدھر؟ میں تو ہوں باپ کی شیدا مرا عاشق ہے پدر باپ بن ایک دم آرام نہ آوے گا مجھے کون پھر رات کو چھاتی پہ سلاوے گا مجھے

Dekh ghurbat ko meri kar mere bachpan pe nazar Baap maara gaya mera to jiyoon gi kyun kar? Sar pe aawe gi yateemi to main jaaoon gi kidhar? Main to hoon baap ki shaida mera aashiq hai pidar Baap bin ek dam aaram na aawe ga mujhe Kaun phir raat ko chhaati pe sulaawe ga mujhe

"See how forlorn I am; look at how young I am;
If my father is killed, how shall I live?
When orphanhood falls upon my head, where shall I go?
I adore my father, and my father loves me dearly;
Without my father I shall not have a moment's rest;
Who then will put me to sleep on his breast at night?"

Stanza 45

ہنسلیاں اپنی گلے سے تجھے دیتی ہوں اتار لے مرے کان کا دُر، پر مرے بابا کو نہ مار ہاتھوں کو جوڑتی ہوں میں ترے آگے ناچار منع کردے کوئی بیکس کو نہ مارے تلوار گھر میں جو کچھ زر و زیور ہے، وہ لادوں گی میں جان بابا کی بچے گی تو دعا دوں گی میں

Hansliyan apni gale se tujhe deti hoon utaar Le mere kaan ka durr, par mere baba ko na maar Haathon ko jorti hoon main tere aage nachar Mana kar de koi bekas ko na maare talwar Ghar mein jo kuchh zar-o-zewar hai, wo la doon gi main Jaan baba ki bache gi to dua doon gi main

"I will take the necklaces from my neck and give them to you;
Take the pearl from my ear, but do not kill my father;
Helpless, I fold my hands before you;
Forbid them: let no one strike the helpless one with a sword.
Whatever gold and jewellery there is at home, I will bring it;
If my father's life is spared, I will bless you."

Stanza 46

بھیڑ میں مجھ کو نظر آتے نہیں بابا جاں اتنا کہہ دے کہ سرک جائیں یہ سب بے ایماں گرد پھر پھر کے، میں ہوں اپنے پدر کے قرباں جا کے دیکھوں گی، بدن پر ہیں لگے زخم کہاں دمِ آخر تو بھلا کام میں آؤں ان کے اپنے کرتے سے لہو منہ کا چھڑاؤں ان کے

Bheer mein mujh ko nazar aate nahin baba jaan Itna keh de ke sarak jaayen ye sab be iman Gird phir phir ke, main hoon apne pidar ke qurbaan Ja ke dekhoon gi, badan par hain lage zakhm kahan Dam-e-aakhir to bhala kaam mein aaoon un ke Apne kurte se lahu munh ka chhuraaoon un ke

"In the crowd I cannot see my dear father;
Just tell all these faithless men to move aside;
Circling round him again and again, I would give myself for my father;
I will go and see where the wounds are on his body.
At least at his last breath let me be of some use to him;
Let me wipe the blood from his face with my shirt."

Stanza 47

کتنا کہتی رہی وہ بنتِ شۂ عرشِ جناب اس ستمگر نے دیا کچھ نہ سکینہؔ کو جواب پیٹ کر سر کہا زینبؔ نے کہ او خانہ خراب تجھ کو آتا نہیں کچھ روحِ پیمبر سے حجاب ظلم مت کر اسد اللہ کی جائی ہوں میں ننگے سر پردے سے باہر نکل آئی ہوں میں

Kitna kehti rahi wo bint-e-shah-e-arsh-e-janab Us sitamgar ne diya kuchh na Sakina ko jawab Peet kar sar kaha Zainab ne ke o khana kharab Tujh ko aata nahin kuchh rooh-e-payambar se hijab Zulm mat kar Asadullah ki jaai hoon main Nange sar parde se baahar nikal aayi hoon main

However much the daughter of the King of heavenly rank pleaded,
That tyrant gave Sakina no answer at all;
Beating her head, Zainab said, "O wretch,
Have you no shame before the soul of the Prophet?
Do not be cruel: I am the daughter of the Lion of God;
Bareheaded, I have come out from behind the veil."

Stanza 48

میری اماں کا ہے مشہور جہاں میں پردا بعدِ رحلت بھی جنازہ نہ کسی نے دیکھا اس کی بیٹی ہوں، ترے ظلم سے ، یہ وقت پڑا سر برہنہ ہوں، گریباں بھی ہے کرتے کا پھٹا منہ کو اللہ و پیمبر سے چھپاتا ہے تو میں تو فریادی ہوں، اور آنکھ چراتا ہے تو

Meri amman ka hai mashhoor jahan mein parda Baad-e-rehlat bhi janaza na kisi ne dekha Us ki beti hoon, tere zulm se, ye waqt para Sar barahna hoon, gireban bhi hai kurte ka phata Munh ko Allah-o-payambar se chhupata hai tu Main to faryadi hoon, aur aankh churata hai tu

"My mother's modesty is famous throughout the world;
Even after her death no one saw her bier;
I am her daughter, and through your cruelty this hour has come upon me:
I am bareheaded, and the collar of my shirt is torn.
You hide your face from Allah and the Prophet;
I come crying for justice, and you will not meet my eyes."

Stanza 49

مارا جاتا ہے ترے سامنے زہراؔ کا پسر دیکھتا ہے تو یہ تلواریں ہیں پڑتی کس پر تیر کس کو لگے غربال ہوا کس کا جگر ذبحِ کرنے کو کسے کھینچے ہے ظالم خنجر دلِ زہرا، جگر شیرِ خدا، کٹتا ہے ظلم سے تیرے، محمدؔ کا گلا کٹتا ہے

Maara jaata hai tere saamne Zahra ka pisar Dekhta hai tu ye talwaren hain parti kis par Teer kis ko lage ghirbal hua kis ka jigar Zibah karne ko kise khenche hai zalim khanjar Dil-e-Zahra, jigar-e-Sher-e-Khuda, katta hai Zulm se tere, Muhammad ka gala katta hai

"Zahra's son is being killed before your eyes;
Do you see on whom these swords are falling?
Whom have the arrows struck? Whose heart has become a sieve?
Whom are you drawing the dagger to slaughter, tyrant?
Zahra's heart, the heart of the Lion of God, is being cut;
Through your cruelty, Muhammad's throat is being cut."

Stanza 50

قتل مظلوم کو کیوں کرتا ہے، بے جرم و گناہ اب تلک میں نے بہت صبر کیا ہے واللہ دل جلی ہوں میں ابھی سینے سے کھینچوں گر آہ تو بھی جل جائے، تری فوج بھی ہو خاک سیاہ بد دعا دوں میں تو نازل ابھی آفت ہووے سر کے بالوں کو جو کھولوں تو قیامت ہووے

Qatl mazloom ko kyun karta hai, be jurm-o-gunah Ab talak main ne bahut sabr kiya hai wallah Dil jali hoon main abhi seene se khenchoon gar aah Tu bhi jal jaaye, teri fauj bhi ho khaak-e-siyah Bad dua doon main to nazil abhi aafat howe Sar ke baalon ko jo kholoon to qiyamat howe

"Why do you kill a wronged man who has done no crime or sin?
Until now, by Allah, I have been very patient;
My heart is burning; if I were to draw a sigh from my breast now,
You would burn, and your army too would turn to black dust;
If I were to curse you, calamity would come down at once;
If I were to loosen the hair of my head, the Day of Judgement would come."

Stanza 51

غش میں حضرت نے سنے جبکہ یہ زینبؔ کے سخن کھول کر دیدۂ پرخوں کو اٹھائی گردن دیکھا سر ننگے کھڑی روتی ہیں مقتل میں بہن بنتِ زہراؔ کو پکارے یہ شہنشاہِ زمن کیا کیا تم نے کہ پردے سے کھلے سر نکلیں جیتے جی میرے سر پردے سے باہر نکلیں

Ghash mein Hazrat ne sune jab ke ye Zainab ke sukhan Khol kar deeda-e-pur khoon ko uthaai gardan Dekha sar nange khari roti hain maqtal mein behan Bint-e-Zahra ko pukaare ye shahanshah-e-zaman Kya kiya tum ne ke parde se khule sar niklen Jeete ji mere sar parde se baahar niklen

When, in his faint, the Hazrat heard these words of Zainab,
He opened his blood-filled eyes and raised his neck;
He saw his sister standing bareheaded on the killing field, weeping;
The emperor of the age called out to Zahra's daughter,
"What have you done, that you have come out from the veil with heads uncovered?
While I still live, heads have come out from behind the veil!"

Stanza 52

کس کو سمجھاتی ہو، کوئی نہ سنے گا فریاد باز آئے گا نہیں، قتل سے میرے جلاد جتنا تم پیٹتی ہو، اور لعیں ہوتے ہیں شاد حشر کے روز خدا دیوے گا اس خون کی داد شوق مرنے کا ہے، سر تن سے جدا ہونے دو جاؤ گھر میں، مجھے امت پہ فدا ہونے دو

Kis ko samjhaati ho, koi na sune ga faryad Baaz aaye ga nahin, qatl se mere jallad Jitna tum peetti ho, aur laeen hote hain shaad Hashr ke roz Khuda dewe ga is khoon ki daad Shauq marne ka hai, sar tan se juda hone do Jaao ghar mein, mujhe ummat pe fida hone do

"Whom are you pleading with? No one will hear your cry;
The executioner will not hold back from killing me;
The more you beat your breast, the happier the accursed become;
On the Day of Judgement God will give justice for this blood.
I long to die; let my head be parted from my body;
Go back to the tents; let me be sacrificed for the community."

Stanza 53

گود میں میری سکینہؔ کو اٹھاؤ ہمشیر کوئی اصغر کی طرح مار نہ بیٹھے اسے تیر پھر یہ بیٹی کو پکارے ترے صدقے شبیرؔ تو بھی جا ساتھ پھوپھی جان کے اب اے دلگیر وقتِ طاعت ہے ذرا یادِ خدا کر لیویں ہم بھی اب آتے ہیں، سجدے کو ادا کر لیویں

God mein meri Sakina ko uthaao hamsheer Koi Asghar ki tarah maar na baithe use teer Phir ye beti ko pukaare tere sadqe Shabbir Tu bhi ja saath phuphi jaan ke ab ae dilgeer Waqt-e-taat hai zara yaad-e-Khuda kar lewen Hum bhi ab aate hain, sajde ko ada kar lewen

"Sister, take my Sakina up in your arms,
Lest someone shoot her with an arrow, as they did Asghar."
Then he called to his daughter, "Shabbir is your ransom;
You too go now with your aunt, my sorrowful child;
It is the hour of worship; let me remember God a while;
I too am coming soon, once I have made my prostration."

Stanza 54

کہہ کے یہ غش ہوئے پھر رن میں شہنشاہ امم شمرِ اظلم نے رکھا، سینۂ اقدس پہ قدم جگرِ فاطمہؔ زہرا پہ چلی تیغِ دو دم آگے زینبؔ کے ہوئے ذبح حسینؔ آہ ستم پیٹ کر بنت شہنشاہِ زمن رونے لگی باپ کو بیٹی، برادر کو بہن رونے لگی

Keh ke ye ghash hue phir ran mein shahanshah-e-umam Shimr-e-azlam ne rakha, seena-e-aqdas pe qadam Jigar-e-Fatima Zahra pe chali tegh-e-do dam Aage Zainab ke hue zibah Husain aah sitam Peet kar bint-e-shahanshah-e-zaman rone lagi Baap ko beti, biradar ko behan rone lagi

Saying this, the emperor of the nations fainted again on the field;
The arch-tyrant Shimr set his foot on that most holy breast;
The two-edged blade passed over the heart of Fatima Zahra;
Before Zainab's eyes Husain was slaughtered: alas, the cruelty!
Beating her breast, the daughter of the emperor of the age began to weep;
The daughter wept for her father, the sister for her brother.

Stanza 55

فتح کا فوج مخالف میں بجا نقارا غل ہوا قتل ہوا شیر خدا کا پیارا بس انیسؔ اب نہیں گویائی کا مجھ کو یارا غم سے خوں ہو گیا سینہ میں کلیجا سارا کس سے اس درد و مصیبت کا بیاں ہوتا ہے آنکھیں روتی ہیں قلم روتا ہے دل روتا ہے

Fath ka fauj-e-mukhalif mein baja naqqara Ghul hua qatl hua Sher-e-Khuda ka pyaara Bas Anees ab nahin goyai ka mujh ko yaara Gham se khoon ho gaya seene mein kaleja saara Kis se is dard-o-musibat ka bayan hota hai Aankhen roti hain qalam rota hai dil rota hai

In the enemy army the drum of victory was beaten;
A cry went up: "The darling of the Lion of God is slain!"
Enough, Anees: I have no strength left to speak;
With grief my whole heart has turned to blood within my breast;
Who can tell of this pain and calamity?
The eyes weep, the pen weeps, the heart weeps.

Printed from https://fzic.org/library/noha/aaj-shabbir-pe-kya-aalam-e-tanhai-hai-50006 — the devotional library of the Fatima Zahra Imamia Centre, 80 Downs Street, North Ipswich QLD 4305. Free to read, copy and share.