Noha & Marsiya

Jab Asghar-e-Masoom Ki Gardan Pe Laga Teer

جب اصغر معصوم کی گردن پہ لگا تیر

Marsiya by Mir Khaliq

Source: Urdu text: Urdu Wikisource (public domain). Roman Urdu and English: prepared by the Centre.

Stanza 1

جب اصغر معصوم کی گردن پہ لگا تیر اور شاہ کے بازو میں بھی پیوست ہوا تیر ہاتھوں پہ تڑپنے لگا بچہ بھی جو کھا تیر شہہؑنے کہا اس پیاسے کو تھا مارنا کیا تیر کب ہم نے کہا تھا کہ زبردستی سے لیں گے اتنا ہی کہا ہوتا کہ ہم پانی نہ دیں گے

Jab Asghar-e-masoom ki gardan pe laga teer Aur shah ke bazu mein bhi paiwast hua teer Haathon pe tarapne laga bachcha bhi jo kha teer Shah ne kaha is pyaase ko tha maarna kya teer Kab hum ne kaha tha ke zabardasti se len ge Itna hi kaha hota ke hum paani na den ge

When the arrow struck the neck of innocent Asghar
and the arrow went into the King's arm as well,
and the child, struck by the arrow, began to writhe in his hands,
the King (a) said, 'Was there any need to shoot an arrow at this thirsty child?
When did I say that I would take it by force?
You need only have said, "We will not give water."

Stanza 2

یہ جانتے تو خیمے سے لاتے نہ اسے ہم تم نے ہمیں محجوب کیا بانو سے اس دم یہ کہتے تھے ملعونوں سے بادیدہ پرنم جو ہاتھوں پہ معصوم تڑپ کر ہوا بے دم فرمایا اسے پہلوئے اکبر میں لٹا کر تم ڈریو نہ اب ہم بھی یہیں سوتے ہیں آکر

Ye jaante to kheme se laate na use hum Tum ne hamen mahjoob kiya Bano se is dam Ye kehte the malaoonon se ba deeda-e-pur nam Jo haathon pe masoom tarap kar hua be dam Farmaya use pehlu-e-Akbar mein lita kar Tum dariyo na ab hum bhi yaheen sote hain aa kar

Had I known this, I would not have brought him from the tent;
you have shamed me before Bano at this hour.'
He was saying this to the accursed with tearful eyes
when the innocent one writhed in his hands and breathed his last.
Laying him down beside Akbar, he said,
'Do not be afraid; I too am coming to sleep here now.

Stanza 3

بن ماں تم اکیلے کبھی سوئے نہیں اصغر جنگل میں اکیلا تمہیں چھوڑوں گا میں کیوں کر پھر قبلے کی جانب یہ کہا ہاتھ اٹھا کر سب فانی ہیں تو باقی ہے اے خالق اکبر کیا کیا ہوئے مجھ پر ہیں ستم اہل جفا سے پر پاؤں نہیں میرا ڈگا راہ رضا سے

Bin maan tum akele kabhi soye nahin Asghar Jangal mein akela tumhen chhoroon ga main kyun kar Phir qible ki janib ye kaha haath utha kar Sab fani hain tu baqi hai ae Khaliq-e-Akbar Kya kya hue mujh par hain sitam ahl-e-jafa se Par paaon nahin mera diga raah-e-raza se

Asghar, you have never slept alone without your mother;
how could I leave you alone in the wilderness?'
Then he raised his hands towards the qibla and said:
'All things perish, You alone remain, O greatest Creator;
what cruelties the cruel have done to me!
Yet my foot has not slipped from the path of acceptance.

Stanza 4

کام آئے تری راہ میں انصار بھی سارے اور بیٹے جو زینب کے تھے بیٹوں سے بھی پیارے وہ دونوں مری آنکھوں کے آگے گئے مارے سرپر مرے سر بیٹوں نے مسلم کے بھی مارے گر کوئی میرا یار و مددگار نہیں ہے جز تیری مدد کچھ مجھے درکار نہیں ہے

Kaam aaye teri raah mein ansar bhi saare Aur bete jo Zainab ke the beton se bhi pyare Wo donon meri aankhon ke aage gaye maare Sar par mere sar beton ne Muslim ke bhi maare Gar koi mera yaar-o-madadgar nahin hai Juz teri madad kuchh mujhe darkar nahin hai

All my companions too have fallen in Your way,
and Zainab's sons, dearer to me than my own sons:
both of them were killed before my eyes;
Muslim's sons too laid down their heads for mine.
If I have no friend or helper left,
I need nothing but Your help.

Stanza 5

جب میرے عزیزوں پہ چلی ظلم کی تلوار بندہ یہی کہتا رہا جو مرضی غفار قاسم سے بھی جب پیارے بھتیجے کو لیا مار اور نہر پہ مارے گئے عباس علمدار بھائی کے لیے پہلے تو روتا تھا قلق میں پھر سمجھا کہ بہتر یہی ہوگا مرے حق میں

Jab mere azizon pe chali zulm ki talwar Banda yahi kehta raha jo marzi-e-Ghaffar Qasim se bhi jab pyare bhateeje ko liya maar Aur nahr pe maare gaye Abbas-e-alamdar Bhai ke liye pehle to rota tha qalaq mein Phir samjha ke behtar yahi hoga mere haq mein

When the sword of oppression fell upon my kin,
Your servant kept saying only, 'As the Forgiving wills';
when they killed even so dear a nephew as Qasim,
and Abbas the standard-bearer was killed at the river,
at first I wept for my brother in anguish,
then I understood that this would be best for me.

Stanza 6

نیزہ علی اکبر کی جو چھاتی میں لگا تھا روتا ہوا میں لاش پہ اس کی تو گیا تھا ہمشکل محمدؐ کا وہ فرزند مرا تھا تیری ہی عنایت تھی مرا سچ ہے کہ کیا تھا تھی مجھکو جو منظور خوشی ابن علیؑ کی اٹھارہ برس اور زیارت کی نبیؐ کی

Neza Ali Akbar ki jo chhaati mein laga tha Rota hua main laash pe us ki to gaya tha Hamshakl Muhammad ka wo farzand mera tha Teri hi inayat thi mera sach hai ke kya tha Thi mujh ko jo manzoor khushi Ibn-e-Ali ki Atharah baras aur ziyarat ki Nabi ki

When the spear struck Ali Akbar's chest,
I went weeping to his body;
that son of mine was the likeness of Muhammad (s);
it was all Your favour; truly, what had I of my own?
As the happiness of the son of Ali (a) was granted me,
I looked upon the Prophet (s) for eighteen years more.

Stanza 7

اصغر بھی مرا ہوگیا تیروں کا نشانہ جنت کی طرف کردیا اس کو بھی روانہ صد شکر کسی کا نہیں اب داغ اٹھانا اپنا ہی گلا باقی ہے اب مجھکو کٹانا قاتل جو رواں خنجر بران کرے گا وہ بھی مری مشکل تو ہی آسان کرے گا

Asghar bhi mera ho gaya teeron ka nishana Jannat ki taraf kar diya us ko bhi rawana Sad shukr kisi ka nahin ab daagh uthana Apna hi gala baqi hai ab mujh ko katana Qatil jo rawan khanjar-e-burran kare ga Wo bhi meri mushkil tu hi aasan kare ga

My Asghar too became the target of arrows;
I have sent him too on his way to paradise.
A hundred thanks: I have no one else's loss left to bear;
only my own throat remains to be cut.
When the killer drives the sharp dagger,
You alone will make that ordeal of mine easy too.

Stanza 8

کیا کرتا اگر صاحب اولاد نہ ہوتا ہیں لاولد اکثر ترے بندے مرے مولا مجھ پر تو عنایت ہی ترا فضل و کرم تھا بیٹے بھی دیے رتبہ امامت کا بھی بخشا صابر بھی ہوئے اور انہیں جانباز بھی دیکھا رفعت سے شہادت کی سرافراز بھی دیکھا

Kya karta agar sahib-e-aulad na hota Hain la walad aksar tere bande mere Maula Mujh par to inayat hi tera fazl-o-karam tha Bete bhi diye rutba imamat ka bhi bakhsha Sabir bhi hue aur unhen jaanbaz bhi dekha Rifat se shahadat ki sarafraz bhi dekha

What would I have done had I not been given children?
Many of Your servants are childless, my Lord;
upon me Your grace and generosity were pure favour:
You gave me sons, and granted me the rank of Imamate too;
they were patient, and I saw them give their lives,
and I saw them raised high by the glory of martyrdom.

Stanza 9

ہر مو کی جگہ تن پہ اگر میرے زباں ہو کب بندہ نوازی کا تری مجھ سے بیاں ہو راحت ہے اگر حلق پہ خنجر بھی رواں ہو تیروں کے مزے سے کبھی خاطر نہ نشاں ہو عرفاں کے مزے کو ہے مرا دل ہی سمجھتا لذت کو تڑپنے کی ہے بسمل ہی سمجھتا

Har mu ki jagah tan pe agar mere zaban ho Kab banda nawazi ka teri mujh se bayan ho Rahat hai agar halq pe khanjar bhi rawan ho Teeron ke maze se kabhi khatir na nishan ho Irfan ke maze ko hai mera dil hi samajhta Lazzat ko tarapne ki hai bismil hi samajhta

If in place of every hair on my body there were a tongue,
how could I tell of Your kindness to Your servant?
It is comfort even if the dagger runs across my throat;
the relish of the arrows can never be made plain to anyone.
Only my heart knows the relish of knowing You;
only the slaughtered know the pleasure of writhing.

Stanza 10

کی بھوک میں اور پیاس میں خاطر مری کیا کیا فاقے میں طبق خلد سے نعمت کا ہے بھیجا چھٹپن میں جو روزہ رکھا ماہ رمضان کا تجھکو یہ گوارا ہوا پیاسا مرا رہنا رحم آیا تجھے دیکھ صغیری مرے سن کی خورشید چھپا رات وہیں ہوگئی دن کی

Ki bhook mein aur pyaas mein khatir meri kya kya Faaqe mein tabaq khuld se nemat ka hai bheja Chhutpan mein jo roza rakha mah-e-Ramzan ka Tujh ko ye gawara hua pyaasa mera rehna Rahm aaya tujhe dekh saghiri mere sin ki Khursheed chhupa raat waheen ho gayi din ki

How You cared for me in hunger and in thirst!
When I went without food, You sent a tray of blessings from paradise;
when in childhood I kept the fast of the month of Ramadan,
could You bear for me to stay thirsty?
Seeing how young I was, You took pity:
the sun hid, and the day turned to night then and there.

Stanza 11

اور آج کئی دن کا جوہوں بھوکا پیاسا کیا جانتے کیا مصلحت اس میں ہے سمجھتا بندہ ہوں ترے امر میں ہے دخل مجھے کیا تشویش بھی بے جا ہے تردد بھی ہے بے جا خوشنودی مجھے تیری ہی مطلوب ہے یارب جو کچھ تیری مرضی ہے وہی خوب ہے یارب

Aur aaj kai din ka jo hoon bhooka pyaasa Kya jaante kya maslahat is mein hai samajhta Banda hoon tere amr mein hai dakhl mujhe kya Tashweesh bhi be ja hai taraddud bhi hai be ja Khushnoodi mujhe teri hi matloob hai ya Rab Jo kuchh teri marzi hai wahi khoob hai ya Rab

And today, when I have been hungry and thirsty for days,
who can know what wise purpose You see in it?
I am Your servant: what right have I to meddle in Your command?
Anxiety is out of place, and worry too.
Your pleasure alone is what I seek, O Lord;
whatever You will is good, O Lord.'

Stanza 12

اعدا سے پھر اس طرح سے کہنے لگے سرور کیا مجھکو سمجھتے نہیں تم سبط پیمبرؑ میں جھوٹ ہوں کہتا؟ نہیں زہراؑ مری مادر؟ ملعونو! نہیں میں پسر حیدرؑ صفدر انکار ہے تم کو مری عالی نسبی کا؟ کوئی نہیں شبیرؑ رسول عربی کا؟

Aada se phir is tarah se kehne lage sarwar Kya mujh ko samajhte nahin tum sibt-e-payambar Main jhoot hoon kehta? nahin Zahra meri madar? Malauno! nahin main pisar-e-Haidar-e-safdar Inkar hai tum ko meri aali nasabi ka? Koi nahin Shabbir Rasool-e-Arabi ka?

Then the master spoke to the enemy like this:
'Do you not take me for the grandson of the Prophet (a)?
Am I lying? Is Zahra (a) not my mother?
You accursed! Am I not the son of Haidar (a), the breaker of ranks?
Do you deny my noble descent?
Is Shabbir (a) nothing to the Arabian Messenger?'

Stanza 13

ملعون سبھی ایک زباں ہوکے پکارے تم سچ ہے نواسے ہو پیمبرؑ کے ہمارے اور فاطمہ زہرا کے ہو تم بیٹے پیارے بابا ہیں علیؑ اور حسنؑ بھائی تمہارے بچ جاؤ گے بیعت میں جو حجت نہ کرو گے اور اس میں تامل ہے جو جیتے نہ بچو گے

Malaoon sabhi ek zaban ho ke pukare Tum sach hai nawase ho payambar ke hamare Aur Fatima Zahra ke ho tum bete pyare Baba hain Ali aur Hasan bhai tumhare Bach jaao ge baiat mein jo hujjat na karo ge Aur is mein taammul hai jo jeete na bacho ge

The accursed all cried out with one voice:
'It is true, you are the grandson of our Prophet (a),
and you are the beloved son of Fatima Zahra;
Ali (a) is your father and Hasan (a) your brother.
You will be spared if you raise no objection to the pledge of allegiance;
but if you hesitate over it, you will not escape alive.'

Stanza 14

یہ سن کے سر اس شاہ نے پہلے تو جھکایا پھر تو عمر و شمر ستمگر کو سنایا میں تین سوال اس گھڑی تم پاس ہوں لایا اک ان میں سے یہ کہتا ہوں میں زہراؑ کا جایا ناموس پیمبرؑ کہیں لے جانے دو مجھکو اب یاں سے کسی سمت نکل جانے دو مجھکو

Ye sun ke sar us shah ne pehle to jhukaya Phir to Umar-o-Shimr-e-sitamgar ko sunaya Main teen sawal is ghari tum paas hoon laaya Ik un mein se ye kehta hoon main Zahra ka jaaya Namoos-e-payambar kahin le jaane do mujh ko Ab yaan se kisi simt nikal jaane do mujh ko

Hearing this, the King first bowed his head,
then said to Umar ibn Saad and the cruel Shimr:
'At this hour I have brought you three requests;
I, the son of Zahra (a), make this the first of them:
let me take the women of the Prophet (a) away somewhere;
let me leave this place now, in any direction.

Stanza 15

مارے ہیں جو تم نے مرے خویش و پسر و یار اس خوں کا عوض تم سے نہیں لینے کا زنہار اس واسطے اس امر کو کرتا ہوں میں اظہار تا خون میں اپنے نہ ہوں میں آپ گرفتار اکبرؑ نہ ہو قاسمؑ نہ ہو عباسؑ نہ ہوئے وہ خاک جئے جس کے کوئی پاس نہ ہوئے

Maare hain jo tum ne mere khesh-o-pisar-o-yaar Us khoon ka iwaz tum se nahin lene ka zinhar Is waaste is amr ko karta hoon main izhar Ta khoon mein apne na hoon main aap giraftar Akbar na ho Qasim na ho Abbas na hoye Wo khaak jiye jis ke koi paas na hoye

For the kinsmen, sons and friends of mine you have killed
I will never take vengeance on you for that blood;
I say this openly
so that I may not myself be held guilty of my own blood.
When there is no Akbar (a), no Qasim (a), no Abbas (a),
how can one live who has no one left beside him?

Stanza 16

فرما چکے جب شاہ تو ایک ایک یہ بولا جانے دیں کہیں آپ کو یہ ہم سے نہ ہوگا مظلومی سے پھر کہنے لگا وہ شہہ والا گریہ نہ ہو تو پانی پلا دو مجھے تھوڑا وہ کہنے لگے یہ بھی نہیں ہوئے گا ہم سے ہاں پانی پلادیں گے دم تیغ دو دم سے

Farma chuke jab shah to ek ek ye bola Jaane den kahin aap ko ye hum se na hoga Mazloomi se phir kehne laga wo shah-e-wala Gar ye na ho to paani pila do mujhe thora Wo kehne lage ye bhi nahin hoye ga hum se Haan paani pila den ge dam-e-tegh-e-do dam se

When the King had spoken, every one of them said,
'Let you go anywhere? That we shall not do.'
Then, wronged and helpless, the noble King said,
'If not that, then give me a little water to drink.'
They said, 'That too we shall not do;
yes, we will give you water from the edge of a two-edged sword.'

Stanza 17

شہہ نے کہا ہونٹوں پہ زباں سوکھی پھرا کر حاضر ہوں کرو ذبح و لے پانی پلا کر تب بولے لعیں شمر ستمگر کو سنا کر اک جام پلا دیویں انہیں نہر سے لاکر وہ بولا جو پانی کی مدد ہوگی ادھر سے پھر لڑ سکو گے ساقی کوثر کے پسر سے ؟

Shah ne kaha honton pe zaban sookhi phira kar Hazir hoon karo zibah wale paani pila kar Tab bole laeen Shimr-e-sitamgar ko suna kar Ik jaam pila deven unhen nahr se la kar Wo bola jo paani ki madad hogi idhar se Phir lar sako ge saqi-e-Kausar ke pisar se?

Passing his dry tongue over his lips, the King said,
'Here I am: slaughter me, but give me water first.'
Then the accursed men said to the cruel Shimr,
'Let us bring a cup from the river and give it to him.'
He said, 'If he gets the help of water from this side,
will you then be able to fight the son of the Cupbearer of Kausar?'

Stanza 18

شہہ نے کہا گر پانی پلانا بھی ہے دشوار تو اس گھڑی حملہ نہ کرو مجھ پہ سب اک بار ایک ایک لڑو مجھ سے تم اے قوم ستمگار وہ بولے کہ تم ہو خلف حیدرؑ کرار کثرت پہ ہے دم اس پہ کسی کے نہیں دم میں ایک ایک لڑیں تم سے یہ طاقت نہیں ہم میں

Shah ne kaha gar paani pilana bhi hai dushwar To is ghari hamla na karo mujh pe sab ik baar Ek ek laro mujh se tum ae qaum-e-sitamgar Wo bole ke tum ho khalaf-e-Haidar-e-Karrar Kasrat pe hai dam us pe kisi ke nahin dam mein Ek ek laren tum se ye taqat nahin hum mein

The King said, 'If even giving water is too hard for you,
then do not all attack me at once at this hour;
fight me one by one, you cruel people.'
They said, 'You are the son of Haidar-e-Karrar (a);
our courage rests on our numbers; beyond that no one has the breath for it;
we have not the strength to fight you one by one.

Stanza 19

فرزند ہو تم اس کے جو تھا قاتل عنتر والد نے تمہارے ہے اکھاڑا در خیبر پائی ہی نہیں فتح کسی فوج نے اس پر فرزند سے ایسے کے کوئی لڑ سکے کیوں کر جرات ہے وہی تم میں وہی شوکت و شاں ہے قبضے میں تمہارے وہی سیف دو زباں ہے

Farzand ho tum us ke jo tha qatil-e-Antar Walid ne tumhare hai ukhara dar-e-Khaibar Paai hi nahin fatah kisi fauj ne us par Farzand se aise ke koi lar sake kyun kar Jurat hai wahi tum mein wahi shaukat-o-shaan hai Qabze mein tumhare wahi saif-e-do zaban hai

You are the son of the man who slew Antar;
your father tore out the gate of Khaibar;
no army ever won a victory over him;
how could anyone fight the son of such a man?
You have the same daring, the same majesty and glory;
the same two-edged sword is in your grip.'

Stanza 20

شہہ سمجھے کہ ایک ایک نہیں لڑنے کا ہم سے کیا غم ہے کہ ہم سب سے اکیلے ہی لڑیں گے پھر سوئے فلک ہاتھ اٹھا کر لگے کہنے میں کہہ چکا اعدا سے ترے حکم کے نکتے اے خالق اکبر کوئی منت نہیں باقی شاہد مرا تو رہیوکہ حجت نہیں باقی

Shah samjhe ke ek ek nahin larne ka hum se Kya gham hai ke hum sab se akele hi laren ge Phir soo-e-falak haath utha kar lage kehne Main keh chuka aada se tere hukm ke nukte Ae Khaliq-e-Akbar koi minnat nahin baqi Shahid mera tu rahiyo ke hujjat nahin baqi

The King understood that they would not fight him one by one:
'What does it matter? I will fight them all alone.'
Then, raising his hands towards the sky, he began to say,
'I have told the enemy all the points of Your command;
O greatest Creator, no plea is left unmade;
be my witness that no argument is left.'

Stanza 21

یہ کہہ کے پڑھا فاتحہ اور تیغ علم کی آنکھوں میں ستمگاروں کی اک بجلی سی چمکی بھاگی ہوئی سب جمع ہوئی فوج ستم کی اس وقت کی کیا شان کہوں شاہ امم کی خیبر میں جو کچھ حیدر کرار کی سج تھی اس روز وہی زہرا کے دلدار کی سج تھی

Ye keh ke parha fatiha aur tegh alam ki Aankhon mein sitamgaron ki ik bijli si chamki Bhaagi hui sab jama hui fauj-e-sitam ki Us waqt ki kya shaan kahoon shah-e-umam ki Khaibar mein jo kuchh Haidar-e-Karrar ki saj thi Us roz wahi Zahra ke dildar ki saj thi

So saying, he recited the Fatiha and raised his sword;
something like lightning flashed in the eyes of the cruel;
the army of cruelty, which had scattered, all gathered again.
How can I tell the splendour of the King of the nations at that hour?
The bearing that Haidar-e-Karrar had at Khaibar
was that day the bearing of Zahra's beloved.

Stanza 22

عمامہ محبوب خدا سر پہ بندھا تھا پیشانی روشن نہ تھی مہ جلوہ نما تھا ابرو کو عجب خم ید قدرت کے دیا تھا آنکھوں پہ دل فاطمہؑ سوجی سے فدا تھا افروختہ تھا صورت گل روئے مبارک سنبل سے پڑے دوش پہ گیسوئے مبارک

Amama-e-mahboob-e-Khuda sar pe bandha tha Peshani-e-raushan na thi mah jalwa numa tha Abru ko ajab kham yad-e-qudrat ke diya tha Aankhon pe dil-e-Fatima sau ji se fida tha Afrokhta tha soorat-e-gul roo-e-mubarak Sumbul se pare dosh pe gesu-e-mubarak

The turban of God's beloved was tied upon his head;
it was not a shining forehead but the moon appearing;
the hand of divine power had given his brows a wondrous curve;
the heart of Fatima (a) would have given a hundred lives for his eyes;
his blessed face glowed like a rose;
his blessed locks lay on his shoulders like hyacinth.

Stanza 23

گل برگ سے لب سوکھے ہوئے پیاس کے مارے کوثر کے قریب اور لب دریا سے کنارے ہتھیار دلیرانہ لگائے ہوئے سارے پر دل کو یہ دھڑکا کہ سکینہ نہ پکارے پیاسی تھی وہ معصومہ جو چوبیس پہر سے خیمے کی طرف تکتے تھے حسرت کی نظر سے

Gul barg se lab sookhe hue pyaas ke maare Kausar ke qareeb aur lab-e-darya se kinare Hathiyar dalerana lagaye hue saare Par dil ko ye dharka ke Sakina na pukare Pyaasi thi wo masooma jo chaubees pahar se Kheme ki taraf takte the hasrat ki nazar se

His lips, like rose petals, were parched with thirst;
close to Kausar, yet kept away from the river bank;
he bore all his arms boldly,
but his heart feared that Sakina might call out:
since that innocent girl had been thirsty for twenty-four watches,
he kept looking towards the tent with longing.

Stanza 24

جب فوج نے نرغہ کیا اس شاہ پہ اک بار تب ان میں دھنسا وہ خلف حیدر کردار دریا بہا اک خون کا کی ایسی ہی تلوار گھبرا کے پکارا عمر سعد ستمگار یوں مت لڑو تلوار نہیں کھانے کا شبیر تیروں کے سوا مار نہیں کھانے کا شبیر

Jab fauj ne nargha kiya us shah pe ik baar Tab un mein dhansa wo khalaf-e-Haidar-e-kirdar Darya baha ik khoon ka ki aisi hi talwar Ghabra ke pukara Umar-e-Saad-e-sitamgar Yun mat laro talwar nahin khaane ka Shabbir Teeron ke siwa maar nahin khaane ka Shabbir

When the army closed in on the King all at once,
that son of Haidar, of Haidar's deeds, plunged in among them;
he wielded his sword so that a river of blood flowed.
The cruel Umar ibn Saad cried out in alarm,
'Do not fight like this: Shabbir will not fall to the sword;
Shabbir will not be struck down except by arrows.'

Stanza 25

یہ سن کے کمانداروں ہی پر جا پڑے شبیر اس شاہ پہ پہلے ہی چلے تھے کئی سو تیر بجلی سی چمکنے جو لگی حیدری شمشیر آگے سے کہیں بھاگنے پائے نہ وہ بے پیر کاہے کو کبھی ایسے بہادر سے لڑے تھے میداں میں کماندار تہی دست پڑے تھے

Ye sun ke kamandaron hi par ja pare Shabbir Us shah pe pehle hi chale the kai sau teer Bijli si chamakne jo lagi Haidari shamsheer Aage se kahin bhaagne paaye na wo be peer Kahe ko kabhi aise bahadur se lare the Maidan mein kamandar tahi dast pare the

Hearing this, Shabbir fell upon the archers themselves;
several hundred arrows had already been shot at the King.
When the sword of Haidar began to flash like lightning,
those godless men could find nowhere to flee before him.
Had they ever fought such a hero before?
The archers lay on the field with empty hands.

Stanza 26

ترکش کہیں بکھرے تھے کہیں تیر زمیں پر اور ساتھ کمانوں کے گرے ہاتھ بھی کٹ کر افتادہ کہیں بازو کہیں پاؤں کہیں سر کچھ پھینک کمانوں کے تئیں بھاگے بد اختر کچھ ایسے مسلح تھے کہ لوہوں پہ چھپے تھے پر خوف سے سہمے ہوئے گوشوں میں چھپے تھے

Tarkash kahin bikhre the kahin teer zameen par Aur saath kamanon ke gire haath bhi kat kar Uftada kahin bazu kahin paaon kahin sar Kuchh phenk kamanon ke tain bhaage bad akhtar Kuchh aise musallah the ke lohon pe chhupe the Par khauf se sehme hue goshon mein chhupe the

Quivers lay scattered here, arrows on the ground there,
and hands, cut off, had fallen along with the bows;
here lay an arm, there a foot, there a head;
some ill-starred men threw down their bows and ran.
Some were so well armed that they were hidden in iron,
yet they cowered in corners, terrified.

Stanza 27

تھے تیروں کے تو زخم تن شاہ پہ اکثر تلواریں بھی اور برچھیاں بھی پڑتی تھیں تن پر زخموں کے سبب خون میں گھوڑا بھی ہوا تر کہنے لگے اعدا سے مخاطب ہو یہ سرور ہر کس بلب مالب ساغر برساند ساغر بلبش ساقی کوثر برساند

The teeron ke to zakhm tan-e-shah pe aksar Talwaren bhi aur barchhiyan bhi parti thin tan par Zakhmon ke sabab khoon mein ghora bhi hua tar Kehne lage aada se mukhatib ho ye sarwar Har kas ba lab-e-ma lab-e-saghar birasanad Saghar ba labash saqi-e-Kausar birasanad

Most of the wounds on the King's body were from arrows,
but swords and lances too were falling on his body;
from the wounds his horse too was soaked in blood.
Turning to the enemy, the master began to say:
'Whoever brings the rim of a cup to my lips,
the Cupbearer of Kausar will bring a cup to his lips.'

Stanza 28

اعدا نے کہا پانی کا زنہار نہ لو نام ہاتھ آوے گا فردوس میں کوثر کا تمہیں جام گوجان چلی جاتی ہے پر پیاس کو لو تھام اس بات کو بس سنتے ہی پھر تول کے صمصام ایسے لڑے جو فوج کئی بار ہٹائی پانی جو ملا ہوتا تو تھی فتح لڑائی

Aada ne kaha paani ka zinhar na lo naam Haath aave ga firdaus mein Kausar ka tumhen jaam Go jaan chali jaati hai par pyaas ko lo thaam Is baat ko bas sunte hi phir taul ke samsam Aise lare jo fauj kai baar hatai Paani jo mila hota to thi fatah larai

The enemy said, 'Do not so much as mention water;
you will get the cup of Kausar in paradise;
though your life is ebbing away, hold back your thirst.'
As soon as he heard this, he weighed his sword again
and fought so that he drove the army back several times;
had he had water, the battle would have been won.

Stanza 29

پیاسے نے جو حملے کئے لشکر پہ کئی بار تھی دھوپ کڑی سوکھ گئے لعل گہربار اور مارے پسینے کے لگا ہانپنے رہوار نزدیک تب آکر عمر سعد نے اک بار ترغیب جو کی لشکر بے پیر کو آکر پھر گھیر لیا فوج نے شبیر کو آکر

Pyaase ne jo hamle kiye lashkar pe kai baar Thi dhoop kari sookh gaye laal-e-guharbar Aur maare paseene ke laga haanpne rahwar Nazdeek tab aa kar Umar-e-Saad ne ik baar Targheeb jo ki lashkar-e-be peer ko aa kar Phir gher liya fauj ne Shabbir ko aa kar

When the thirsty one had charged the army several times,
the sun was fierce, and his pearl-shedding ruby lips dried up,
and his steed, drenched in sweat, began to pant.
Then Umar ibn Saad came near and at once
urged on the godless army,
and the army closed in and surrounded Shabbir again.

Stanza 30

کہتا تھا سواروں سے پس پشت یہ ہر دم پھر تیر جوانو چلیں شبیر پہ پیہم بے حال ہے نہ پیاس ہے طاقت ہے بہت کم لڑسکنے کا نہ تم سے نہیں کیجو نہ کچھ غم گھوڑوں کو بڑھائے رہو پیچھے کو نہ سر کو غش آتا ہے کوئی آن میں زہرا کے پسر کو

Kehta tha sawaron se pas-e-pusht ye har dam Phir teer jawano chalen Shabbir pe paiham Be haal hai na pyaas hai taqat hai bahut kam Lar sakne ka na tum se nahin kijo na kuchh gham Ghoron ko barhaye raho peechhe ko na sarko Ghash aata hai koi aan mein Zahra ke pisar ko

From behind, he kept telling the horsemen:
'Young men, let the arrows fly at Shabbir again without pause;
he is spent, he is thirsty, his strength is very low;
he cannot fight you now; have no fear at all.
Keep your horses pressing on, do not fall back;
any moment now the son of Zahra will faint.'

Stanza 31

یہ سنتے ہی سب تیر لگے مارنے اک بار اور اس تن تنہا پہ ہوئی تیروں کی بوچھار تن چھن گیا ہر زخم سے لوہو کی چھٹی دھار سنبھلا نہ گیا گھوڑے پہ اس زخمی سے زنہار گہرے تھے زبس زخم تن سرور دیں پر غش آگیا مظلوم کو گرتے ہی زمیں پر

Ye sunte hi sab teer lage maarne ik baar Aur us tan-e-tanha pe hui teeron ki bauchhar Tan chhan gaya har zakhm se lohu ki chhuti dhaar Sambhla na gaya ghore pe us zakhmi se zinhar Gehre the zabas zakhm tan-e-sarwar-e-deen par Ghash aa gaya mazloom ko girte hi zameen par

Hearing this, they all began to shoot arrows at once,
and a shower of arrows fell upon that lone man;
his body was riddled, and from every wound a stream of blood burst out;
the wounded man could no longer keep his seat on the horse.
So deep were the wounds on the body of the master of the faith
that the wronged one fainted as soon as he fell to the ground.

Stanza 32

زخمی نے بہت آپ کو اٹھ اٹھ کے سنبھالا پر ضعف جو تھا لیٹ گیا وہ شہہ والا غش میں بھی کئی بار لہو منہ سے جو ڈالا پھر ہل نہ سکا فاطمہ کی گود کا پالا دکھلا کے عمر کہنے لگا شمر لعیں کو اب تو حرکت بھی نہیں جسم شہہ دیں کو

Zakhmi ne bahut aap ko uth uth ke sambhala Par zof jo tha let gaya wo shah-e-wala Ghash mein bhi kai baar lahu munh se jo daala Phir hil na saka Fatima ki god ka paala Dikhla ke Umar kehne laga Shimr-e-laeen ko Ab to harkat bhi nahin jism-e-shah-e-deen ko

Again and again the wounded man tried to raise himself,
but he was so weak that the noble King lay down;
when even in his faint he had brought up blood several times,
the one raised in Fatima's lap could move no more.
Pointing to him, Umar ibn Saad said to the accursed Shimr,
'Now the body of the King of the faith does not even stir;

Stanza 33

تو کاٹے اگر تن سے سر سید مظلوم اخبار میں ہو فتح تیرے نام پر مرقوم رتبہ جو ترا ہوگا وہ تجھکو نہیں معلوم حاکم کے جو سر کردے ہیں ہوں گے تیرے محکوم تو فرق بڑا پاوے گا آگے میں اور اب میں عزت تری ہوئے گی شجاعان عرب میں

Tu kaate agar tan se sar-e-Sayyid-e-mazloom Akhbar mein ho fatah tere naam par marqoom Rutba jo tera hoga wo tujh ko nahin maloom Hakim ke jo sar karde hain hon ge tere mahkoom Tu farq bara paave ga aage mein aur ab mein Izzat teri hoye gi shujaan-e-Arab mein

if you cut the head of the wronged Sayyid from his body,
the victory will be written in the chronicles in your name;
you do not know what rank will be yours:
the ruler's chief men will be under your command;
you will find a great difference between then and now;
you will be honoured among the champions of Arabia.'

Stanza 34

یہ سن کے وہ آگے بڑھا کھینچے ہوئے خنجر اور شہہ کی چڑھا چھاتی پہ گھوڑے سے اتر کر مظلوم کو جب ذبح لگا کرنے ستمگر کس بے کسی سے دیکھتا تھا ہائے وہ سرور قاتل تھا چڑھا سینۂ صد چاک کے اوپر خنجر سے ٹپکتا تھا لہو خاک کے اوپر

Ye sun ke wo aage barha khenche hue khanjar Aur shah ki charha chhaati pe ghore se utar kar Mazloom ko jab zibah laga karne sitamgar Kis bekasi se dekhta tha haaye wo sarwar Qatil tha charha seena-e-sad chaak ke upar Khanjar se tapakta tha lahu khaak ke upar

Hearing this, he stepped forward with his dagger drawn,
got down from his horse and climbed onto the King's chest.
When the cruel man began to slaughter the wronged one,
with what helplessness, alas, that master looked on!
The killer sat upon the breast torn in a hundred places;
blood dripped from the dagger onto the dust.

Stanza 35

جس وقت جدا ہوگیا تن سے سر شبیر تب گیسو پکڑ شاہ کے وہ ظالم بے پیر لٹکائے ہوئے سر کو اٹھا کر کے یہ تقریر خنجر سے ہوا ذبح عجب صاحب شمشیر دلبند نبی ابن ید اللہ کو مارا واللہ دو عالم کے شہنشاہ کو مارا

Jis waqt juda ho gaya tan se sar-e-Shabbir Tab gesu pakar shah ke wo zalim-e-be peer Latkaye hue sar ko utha kar ke ye taqreer Khanjar se hua zibah ajab sahib-e-shamsheer Dilband-e-Nabi Ibn-e-Yadullah ko maara Wallah do aalam ke shahanshah ko maara

When Shabbir's head had been parted from his body,
the godless tyrant seized the King's locks,
lifted the head, letting it hang, and made this speech:
'A wondrous master of the sword has been slaughtered with a dagger!
I have killed the darling of the Prophet, the son of the Hand of God;
by Allah, I have killed the emperor of both worlds!'

Stanza 36

یہ کہہ کے چڑھایا سر شبیر سناں پر وہ چاند سامنہ شاہ کا تھا خون میں سب تر گالوں پہ لٹکتے ہوئے گیسوئے معنبر سجدے کا نشاں ماتھے پہ تھا غیرت اختر نیزے پہ سرافراز تھا خیل شہدا میں آنکھیں تھیں مندی ہلتے تھے لب یاد خدا میں

Ye keh ke charhaya sar-e-Shabbir sinan par Wo chaand sa munh shah ka tha khoon mein sab tar Gaalon pe latakte hue gesu-e-muanbar Sajde ka nishan maathe pe tha ghairat-e-akhtar Neze pe sarafraz tha khail-e-shuhada mein Aankhen thin mundi hilte the lab yaad-e-Khuda mein

So saying, he raised Shabbir's head upon a spear;
the King's moonlike face was all soaked in blood,
his fragrant locks hanging over his cheeks;
the mark of prostration on his forehead put the stars to shame.
On the spear he stood exalted among the host of martyrs;
his eyes were closed, his lips moved in remembrance of God.

Stanza 37

پھر رن سے چلے خیمہ شبیر پہ اعدا اور گھیر لیا بیبیوں کو باندھ کے حلقہ جب بھاگنے کو ان کے نہ رکھا کوئی رستہ تب آگ قناتوں کو لگا شمر یہ بولا اب ڈر نہ کوئی لوٹ نہیں منع کسی کو اب شوق سے سب لوٹ لو ناموس نبی کو

Phir ran se chale khema-e-Shabbir pe aada Aur gher liya bibiyon ko baandh ke halqa Jab bhaagne ko un ke na rakha koi rasta Tab aag qanaton ko laga Shimr ye bola Ab dar na koi loot nahin mana kisi ko Ab shauq se sab loot lo namoos-e-Nabi ko

Then the enemy went from the battlefield to Shabbir's tents
and closed a ring around the ladies;
when they had left them no way of escape,
Shimr set fire to the tent-walls and said,
'Fear nothing now: plunder is forbidden to no one;
now plunder the women of the Prophet's house as you please.'

Stanza 38

ناگاہ لگی آگ قناتوں میں بھڑکنے اور جل کے سراچوں کے لگے بانس کڑکنے بیوؤں کے کلیجے لگے سینوں میں دھڑکنے گرمی سے لگے گودیوں میں بچے پھڑکنے ناموس نبی پر عجب آفت کی گھڑی تھی پر بی بی کا پردہ کیے ہر لونڈی کھڑی تھی

Nagah lagi aag qanaton mein bharakne Aur jal ke saraachon ke lage baans karakne Bewaon ke kaleje lage seenon mein dharakne Garmi se lage godiyon mein bachche pharakne Namoos-e-Nabi par ajab aafat ki ghari thi Par bibi ka parda kiye har laundi khari thi

Suddenly the fire blazed up in the tent-walls,
and the bamboo poles of the pavilions crackled as they burned;
the widows' hearts began to pound in their breasts;
in the heat the children began to writhe in their arms.
It was a terrible hour of calamity for the women of the Prophet's house,
yet every maid stood screening her lady.

Stanza 39

سجاد یہ کہتا تھا کہ بابا گیا مارا بس سنتے ہی یہ بانو نے زیور کو اتارا اسباب ہر اک رانڈ کا لٹنے لگا سارا جا بیٹھے زرومال سے سب کر کے کنارا ہاتھوں کے تلے چہرے تھے ناموس نبی کے چادر بھی رہی نام کو سر پر نہ کسی کے

Sajjad ye kehta tha ke baba gaya maara Bas sunte hi ye Bano ne zewar ko utara Asbab har ik raand ka lutne laga saara Ja baithe zar-o-maal se sab kar ke kinara Haathon ke tale chehre the namoos-e-Nabi ke Chadar bhi rahi naam ko sar par na kisi ke

Sajjad was saying, 'Father has been slain';
as soon as Bano heard this, she took off her jewellery;
all the belongings of every widow began to be plundered;
they all went and sat apart, leaving gold and goods behind.
The faces of the Prophet's women were hidden beneath their hands;
not one of them was left so much as a sheet on her head.

Stanza 40

جب لوٹ چکے آل محمد کو جفا کار اور آگ سے بھی جل چکے سب خیمۂ اطہار پھر اونٹ سواری کے لیے لائے وہ اشرار سر ننگے ان اونٹوں پہ چڑھی عترت ناچار اب راہ کا احوال خلیقؔ آگے کہے کیا کیا ظلم ہوئے رنج اسیروں نے سہے کیا

Jab loot chuke Aal-e-Muhammad ko jafa kar Aur aag se bhi jal chuke sab khema-e-athar Phir oont sawari ke liye laaye wo ashrar Sar nange un oonton pe charhi itrat-e-nachar Ab raah ka ahwal Khaleeq aage kahe kya Kya zulm hue ranj aseeron ne sahe kya

When the cruel had finished plundering the family of Muhammad,
and all the tents of the pure had burned in the fire,
the wicked brought camels for them to ride;
bareheaded, the helpless family of the Prophet mounted those camels.
What more can Khaleeq now tell of the road ahead,
of the cruelties done, of the sorrows the captives bore?

Printed from https://fzic.org/library/noha/jab-asghar-e-masoom-ki-gardan-pe-laga-teer-50016 — the devotional library of the Fatima Zahra Imamia Centre, 80 Downs Street, North Ipswich QLD 4305. Free to read, copy and share.