Shab-e-Qadr ki fazilate’nشب ہائے قدر کی فظیلت

شبِ قدر ایسی عظیم رات ہے کہ عام راتیں اس کی فضیلت کو نہیں پہنچ سکتیں کیوں کہ اس رات کا عمل ہزارمہینوں کے عمل سے بہتر ہے۔ اسی رات تقدیر بنتی ہے اور روح جو ملائکہ میں سب سے عظیم ہے وہ اسی رات پروردگار کے حکم سے فرشتوں کے ہمراہ زمین پر نازل ہوتا ہے۔یہ ملائکہ امام العصر (عج)کی خدمت میں حاضر ہوتےہیں اور ہر شخص کے مقدر میں جو کچھ بھی ہوتا ہے اس کی تفصیل حضرتؑ کی خدمت میں پیش کرتے ہیں۔ شبِ قدر کے اعمال دو قسم کے ہیں، اعمالِ مشترکہ اور اعمالِ مخصوصہ۔ اعمالِ مشترکہ وہ ہیں جو تینوں شبِ قدر میں بجالائے جاتے ہیں اور اعمالِ مخصوصہ وہ ہیں جو ہر ایک رات کے ساتھ مخصوص ہیں۔ مزید یہ کہ شب ہائے قدر کے دنوں کی عظمت وحرمت کا بھی خیال رکھے اور ان میں عبادتِ الہٰی اور تلاوتِ قرآن کرتا رہے۔ معتبر احادیث میں ہے کہ شبِ قدر کادن بھی رات کی طرح عظمت اورفضیلت کا حامل ہے۔