Juz 19 (Sipara)جز (سیپارہ)-۱۹

In the Name of Allah, the most Gracious, the most Merciful.

اللہ کے نام سے (شروع کرتا ہوں) جو بڑا مہربان نہایت رحم کرنے والا ہے۔

And those who do not hope for Our meeting, say: Why have not angels been sent down upon us, or (why) do we not see our Lord? Now certainly they are too proud of themselves and have revolted in great revolt.

اور جو لوگ ہماری ملاقات کی امید نہیں رکھتے وہ کہتے ہیں کہ آخر ہم پر فرشتے کیوں نہیں نازل ہوتے یا ہم خدا کو کیوں نہیں دیکھتے در حقیقت یہ لوگ اپنی جگہ پر بہت مغرور ہو گئے ہیں اور انتہائی درجہ کی سرکشی کر رہے ہیں۔

On the day when they shall see the angels, there shall be no joy on that day for the guilty, and they shall say: It is a forbidden thing totally prohibited.

جس دن یہ ملائکہ کو دیکھیں گے اس دن مجرمین کے لئے کوئی بشارت نہ ہو گی اور فرشتے کہیں گے کہ تم لوگ دور ہو جاؤ۔

And We will proceed to what they have done of deeds, so We shall render them as scattered floating dust.

پھر ہم ان کے اعمال کی طرف توجہ کریں گے اور سب کو اڑتے ہوئے خاک کے ذرّوں کے مانند بنا دیں گے۔

The dwellers of the garden shall on that day be in a better abiding-place and a better resting-place.

اس دن صرف جنّت والے ہوں گے جن کے لئے بہترین ٹھکانہ ہو گا اور بہترین آرام کرنے کی جگہ ہو گی۔

And on the day when the heaven shall burst asunder with the clouds, and the angels shall be sent down descending (in ranks).

اور جس دن آسمان بادلوں کی وجہ سے پھٹ جائے گا اور ملائکہ جوق در جوق نازل کئے جائیں گے۔

The kingdom on that day shall rightly belong to the Beneficent God, and a hard day shall it be for the unbelievers.

اس دن در حقیقت حکومت پروردگار کے ہاتھ میں ہو گی اور وہ دن کافروں کے لئے بڑا سخت دن ہو گا۔

And the day when the unjust one shall bite his hands saying: O! would that I had taken a way with the Apostle.

اس دن ظالم اپنے ہاتھوں کو کاٹے گا اور کہے گا کہ کاش میں نے رسول کے ساتھ ہی راستہ اختیار کیا ہوتا۔

O woe is me! would that I had not taken such a one for a friend!

ہائے افسوس! کاش میں نے فلاں شخص کو اپنا دوست نہ بنایا ہوتا۔

Certainly he led me astray from the reminder after it had come to me; and the Shaitan fails to aid man.

اس نے تو ذکر کے آنے کے بعد مجھے گمراہ کر دیا اور شیطان تو انسان کا رسوا کرنے والا ہے ہی۔

And the Apostle cried out: O my Lord! surely my people have treated this Quran as a forsaken thing.

اور اس دن رسول آواز دے گا کہ پروردگار اس میری قوم نے اس قرآن کو بھی نظر انداز کر دیا ہے۔

And thus have We made for every prophet an enemy from among the sinners and sufficient is your Lord as a Guide and a Helper.

اور اسی طرح ہم نے ہر نبی کے لئے مجرمین میں سے کچھ دشمن قرار دید یئے ہیں اور ہدایت اور امداد کے لئے تمہارا پروردگار بہت کافی ہے۔

And those who disbelieve say: Why has not the Quran been revealed to him all at once? Thus, that We may strengthen your heart by it and We have arranged it well in arranging.

اور یہ کافر یہ بھی کہتے ہیں کہ آخر ان پر یہ قرآن ایک دفعہ کل کا کل کیوں نہیں نازل ہو گیا۔ ہم اسی طرح تدریجا نازل کرتے ہیں تاکہ تمہارے دل کو مطمئن کر سکیں اور ہم نے اسے ٹھہر ٹھہر کر نازل کیا ہے۔

And they shall not bring to you any argument, but We have brought to you (one) with truth and best in significance.

اور یہ لوگ کوئی بھی مثال نہ لائیں گے مگر یہ کہ ہم اس کے جواب میں حق اور بہترین بیان لے آئیں گے۔

(As for) those who shall be gathered upon their faces to hell, they are in a worse plight and straying farther away from the path.

وہ لوگ جو جہنّم کی طرف منہ کے بل کھینچ کر لائے جائیں گے ان کا ٹھکانا بدترین ہے اور وہ بہت زیادہ بہکے ہوئے ہیں۔

And certainly We gave Musa the Book and We appointed with him his brother Haroun an aider.

اور ہم نے موسیٰؑ کو کتاب عطا کی اور ان کے ساتھ ان کے بھائی ہارونؑ کو ان کا وزیر بنا دیا۔

Then We said: Go you both to the people who rejected Our communications; so We destroyed them with utter destruction.

پھر ہم نے کہا کہ اب تم دونوں اس قوم کی طرف جاؤ جس نے ہماری آیتوں کی تکذیب کی ہے اور ہم نے انہیں تباہ و برباد کر دیا ہے۔

And the people of Nuh, when they rejected the apostles, We drowned them, and made them a sign for men, and We have prepared a painful punishment for the unjust;

اور قومِ نوح کو بھی جب انہوں نے رسولوں کو جھٹلایا تو ہم نے انہیں بھی غرق کر دیا اور لوگوں کے لئے ایک نشانی بنا دیا اور ہم نے ظالمین کے لئے بڑا دردناک عذاب مہیّاکر رکھا ہے۔

And Ad and Samood and the dwellers of the Rass and many generations between them.

اور عاد و ثمود اور اصحابِ رس اور ان کے درمیان بہت سی نسلوں اور قوموں کو بھی تباہ کر دیا ہے۔

And to everyone We gave examples and everyone did We destroy with utter destruction.

اور ان سب کے لئے ہم نے مثالیں بیان کیں اور سب کو ہم نے نیست و نابود کر دیا۔

And certainly they have (often) passed by the town on which was rained an evil rain; did they not then see it? Nay! they did not hope to be raised again.

اور یہ لوگ اس بستی کی طرف آئے جس پر ہم نے پتھروں کی بوچھار کی تھی تو کیا ان لوگوں نے اسے نہیں دیکھا حقیقت یہ ہے کہ یہ لوگ قیامت کی امید ہی نہیں رکھتے۔

And when they see you, they do not take you for aught but a mockery: Is this he whom Allah has raised to be an apostle?

اور جب آپ کو دیکھتے ہیں تو صرف مذاق بنانا چاہتے ہیں کہ کیا یہی وہ ہے جسے خدا نے رسول بنا کر بھیجا ہے۔

He had well-nigh led us astray from our gods had we not adhered to them patiently! And they will know, when they see the punishment, who is straying farther off from the path.

قریب تھا کہ یہ ہمیں ہمارے خداؤں سے منحرف کر دے اگر ہم لوگ ان خداؤں پر صبر نہ کر لیتے اور عنقریب ان لوگوں کو معلوم ہو جائے گا جب یہ عذاب کو دیکھیں گے کہ زیادہ بہکا ہوا کون ہے۔

Have you seen him who takes his low desires for his god? Will you then be a protector over him?

کیا آپ نے اس شخص کو دیکھا ہے جس نے اپنی خواہشات ہی کو اپنا خدا بنا لیا ہے کیا آپ اس کی بھی ذمہ داری لینے کے لئے تیار ہیں۔

Or do you think that most of them do hear or understand? They are nothing but as cattle; nay, they are straying farther off from the path.

کیا آپ کا خیال یہ ہے کہ ان کی اکثریت کچھ سنتی اور سمجھتی ہے ہرگز نہیں یہ سب جانوروں جیسے ہیں بلکہ ان سے بھی کچھ زیادہ ہی گم کردہ راہ ہیں۔

Have you not considered (the work of) your Lord, how He extends the shade? And if He had pleased He would certainly have made it stationary; then We have made the sun an indication of it

کیا آپ نے نہیں دیکھا کہ آپ کے پروردگار نے کس طرح سایہ کو پھیلا دیا ہے اور وہ چاہتا تو ایک ہی جگہ ساکن بنا دیتا پھر ہم نے آفتاب کو اس کی دلیل بنا دیا ہے۔

Then We take it to Ourselves, taking little by little.

پھر ہم نے تھوڑا تھوڑا کر کے اسے اپنی طرف کھینچ لیا ہے۔

And He it is Who made the night a covering for you, and the sleep a rest, and He made the day to rise up again.

اور وہی وہ خدا ہے جس نے رات کو تمہارا پردہ اور نیند کو تمہاری راحت اور دن کو تمہارے اٹھ کھڑے ہونے کا وقت قرار دیا ہے۔

And He it is Who sends the winds as good news before His mercy; and We send down pure water from the cloud

اور وہی وہ ہے جس نے ہواؤں کو رحمت کی بشارت کے لئے رواں کر دیا ہے اور ہم نے آسمان سے پاک و پاکیزہ پانی برسایا ہے۔

That We may give life thereby to a dead land and give it for drink, out of what We have created, to cattle and many people.

تاکہ اس کے ذریعہ مردہ شہر کو زندہ بنائیں اور اپنی مخلوقات میں سے جانوروں اور انسانوں کی ایک بڑی تعداد کو سیراب کریں۔

And certainly We have repeated this to them that they may be mindful, but the greater number of men do not consent to aught except denying.

اور ہم نے ان کے درمیان پانی کو طرح طرح سے تقسیم کیا ہے تاکہ یہ لوگ نصیحت حاصل کریں لیکن انسانوں کی اکثریت نے ناشکری کے علاوہ ہر بات سے انکار کر دیا ہے۔

And if We had pleased We would certainly have raised a warner in every town.

اور ہم چاہتے تو ہر قریہ میں ایک ڈرانے والا بھیج دیتے۔

So do not follow the unbelievers, and strive against them a mighty striving with it.

لہذا آپ کافروں کے کہنے میں نہ آئیں اور ان سے آخر دم تک جہاد کرتے رہیں۔

And He it is Who has made two seas to flow freely, the one sweet that subdues thirst by its sweetness, and the other salt that burns by its saltness; and between the two He has made a barrier and inviolable obstruction.

اور وہی خدا ہے جس نے دونوں دریاؤں کو جاری کیا ہے اس کا پانی مزیدار اور میٹھا ہے اور یہ نمکین اور کڑوا ہے اور دونوں کے درمیان حد فاصل اور مضبوط رکاوٹ بنا دی ہے۔

And He it is Who has created man from the water, then He has made for him blood relationship and marriage relationship, and your Lord is powerful.

اور وہی وہ ہے جس نے پانی سے انسان کو پیدا کیا ہے اور پھر اس کو خاندان اور سسرال والا بنا دیا ہے اور آپ کا پروردگار بہت زیادہ قدرت والا ہے۔

And they serve besides Allah that which neither profits them nor causes them harm; and the unbeliever is a partisan against his Lord.

اور یہ لوگ پروردگار کو چھوڑ کر ایسوں کی عبادت کرتے ہیں جو نہ فائدہ پہنچا سکتے ہیں اور نہ نقصان اور کافر تو ہمیشہ پروردگار کے خلاف ہی پشت پناہی کرتا ہے۔

And We have not sent you but as a giver of good news and as a warner.

اور ہم نے آپ کو صرف بشارت دینے والا اور ڈرانے والا بنا کر بھیجا ہے۔

Say: I do not ask you aught in return except that he who will, may take the way to his Lord.

آپ کہہ دیجئے کہ میں تم لوگوں سے کوئی اجر نہیں چاہتا مگر یہ کہ جو چاہے وہ اپنے پروردگار کا راستہ اختیار کرے۔

And rely on the Ever-living Who dies not, and celebrate His praise; and Sufficient is He as being aware of the faults of His servants

اور آپ اس خدائے حق و قیوم پر اعتماد کریں جسے موت آنے والی نہیں ہے اور اسی کی حمد کی تسبیح کرتے رہیں کہ وہ اپنے بندوں کے گناہوں کی اطلاع کے لئے خود ہی کافی ہے۔

Who created the heavens and the earth and what is between them in six periods, and He is firmly established on the throne of authority; the Beneficent God, so ask respecting it one aware.

اس نے آسمان و زمین اور اس کے درمیان کی مخلوقات کو چھ دنوں کے اندر پیدا کیا ہے اور اس کے بعد عرش پر اپنا اقتدار قائم کیا ہے وہ رحمان ہے اس کی تخلیق کے بارے میں اسی باخبر سے دریافت کرو۔

And when it is said to them: Make obeisance to the Beneficent God, they say: And what is the God of beneficence? Shall we make obeisance to what you bid us? And it adds to their aversion.

اور جب ان سے کہا جاتا ہے کہ رحمان کو سجدہ کرو تو کہتے ہیں کہ یہ رحمان کیا ہے کیا ہم اسے سجدہ کر لیں جس کے بارے میں تم حکم دے رہے ہو اور اس طرح ان کی نفرت میں اور اضافہ ہو جاتا ہے۔

Blessed is He Who made the constellations in the heavens and made therein a lamp and a shining moon.

بابرکت ہے وہ ذات جس نے آسمان میں برج بنائے ہیں اور اس میں چراغ اور چمکتا ہوا چاند قرار دیا ہے۔

And He it is Who made the night and the day to follow each other for him who desires to be mindful or desires to be thankful.

اور وہی وہ ہے جس نے رات اور دن میں ایک کو دوسرے کا جانشین بنایا ہے اس انسان کے لئے جو عبرت حاصل کرنا چاہے یا شکر پروردگار ادا کرنا چاہے۔

And the servants of the Beneficent God are they who walk on the earth in humbleness, and when the ignorant address them, they say: Peace.

اور اللہ کے بندے وہی ہیں جو زمین پر آہستہ چلتے ہیں اور جب جاہل ان سے خطاب کرتے ہیں تو سلامتی کا پیغام دے دیتے ہیں۔

And they who pass the night prostrating themselves before their Lord and standing.

یہ لوگ راتوں کو اس طرح گزارتے ہیں کہ اپنے رب کی بارگاہ میں کبھی سر بسجود رہتے ہیں اور کبھی حالت قیام میں رہتے ہیں۔

And they who say: O our Lord! turn away from us the punishment of hell, surely the punishment thereof is a lasting evil.

اور یہ کہتے ہیں کہ پروردگار ہم سے عذابِ جہنّم کو پھیر دے کہ اس کا عذاب بہت سخت اور پائیدار ہے۔

Surely it is an evil abode and (evil) place to stay.

وہ بدترین منزل اور محل اقامت ہے۔

And they who when they spend, are neither extravagant nor parsimonious, and (keep) between these the just mean.

اور یہ لوگ جب خرچ کرتے ہیں تو نہ اسراف کرتے ہیں اور نہ کنجوسی سے کام لیتے ہیں بلکہ ان دونوں کے درمیان اوسط درجے کا راستہ اختیار کرتے ہیں۔

And they who do not call upon another god with Allah and do not slay the soul, which Allah has forbidden except in the requirements of justice, and (who) do not commit fornication and he who does this shall find a requital of sin;

اور وہ لوگ خدا کے ساتھ کسی اور خدا کو نہیں پکارتے ہیں اور کسی بھی نفس کو اگر خدا نے محترم قرار دیدیا ہے تو اسے حق کے بغیر قتل نہیں کرتے اور زنا بھی نہیں کرتے ہیں کہ جو ایسا عمل کرے گا وہ اپنے عمل کی سزا بھی برداشت کرے گا۔

The punishment shall be doubled to him on the day of resurrection, and he shall abide therein in abasement;

جسے روز قیامت دگنا کر دیا جائے گا اور وہ اسی میں ذلّت کے ساتھ ہمیشہ ہمیشہ پڑا رہے گا۔

Except him who repents and believes and does a good deed; so these are they of whom Allah changes the evil deeds to good ones; and Allah is Forgiving, Merciful.

علاوہ اس شخص کے جو توبہ کرلے اور ایمان لے آئے اور نیک عمل بھی کرے کہ پروردگار اس کی برائیوں کو اچھائیوں سے تبدیل کر دے گا اور خدا بہت زیادہ بخشنے والا اور مہربان ہے۔

And whoever repents and does good, he surely turns to Allah a (goodly) turning.

اور جو توبہ کرلے گا اور عمل صالح انجام دے گا وہ اللہ کی طرف واقعًا رجوع کرنے والا ہے۔

And they who do not bear witness to what is false, and when they pass by what is vain, they pass by nobly.

اور وہ لوگ جھوٹ اور فریب کے پاس حاضر بھی نہیں ہوتے ہیں اور جب لغو کاموں کے قریب سے گزرتے ہیں تو بزرگانہ انداز سے گزر جاتے ہیں۔

And they who, when reminded of the communications of their Lord, do not fall down thereat deaf and blind.

اور ان لوگوں کو جب آیاتِ الہٰیہ کی یاد دلائی جاتی ہے تو بہرے اور اندھے ہو کر گر نہیں پڑتے ہیں۔

And they who say: O our Lord! grant us in our wives and our offspring the joy of our eyes, and make us guides to those who guard (against evil).

اور وہ لوگ برابر دعا کرتے رہتے ہیں کہ خدایا ہمیں ہماری ازواج اور اولاد کی طرف سے خنکی چشم عطا فرما اور ہمیں صاحبانِ تقویٰ کا پیشوا بنا دے۔

These shall be rewarded with high places because they were patient, and shall be met therein with greetings and salutations.

یہی وہ لوگ ہیں جنہیں ان کے صبر کی بناء پر جنّت کے بالا خانے عطا کئے جائیں گے اور وہاں انہیں تعظیم اور سلام کی پیشکش کی جائے گی۔

Abiding therein; goodly the abode and the resting-place.

وہ ان ہی مقامات پر ہمیشہ ہمیشہ رہیں گے کہ وہ بہترین مستقر اور حسین ترین محل اقامت ہے۔

Say: My Lord would not care for you were it not for your prayer; but you have indeed rejected (the truth), so that which shall cleave shall come.

پیغمبر آپ کہہ دیجئے کہ اگر تمہاری دعائیں نہ ہوتیں تو پروردگار تمہاری پروا بھی نہ کرتا تم نے اس کے رسول کی تکذیب کی ہے تو عنقریب اس کا عذاب بھی برداشت کرنا پڑے گا۔

In the Name of Allah, the most Gracious, the most Merciful.

اللہ کے نام سے (شروع کرتا ہوں) جو بڑا مہربان نہایت رحم کرنے والا ہے۔

Ta Sin Mim.

طسم ۔

These are the verses of the Book that makes (things) clear.

یہ ایک واضح کتاب کی آیتیں ہیں۔

Perhaps you will kill yourself with grief because they do not believe.

کیا آپ اپنے نفس کو ہلاکت میں ڈال دیں گے کہ یہ لوگ ایمان نہیں لا رہے ہیں۔

If We please, We should send down upon them a sign from the heaven so that their necks should stoop to it.

اگر ہم چاہتے تو آسمان سے ایسی آیت نازل کر دیتے کہ ان کی گردنیں خضوع کے ساتھ جھک جاتیں۔

And there does not come to them a new reminder from the Beneficent God but they turn aside from it.

لیکن ان کی طرف جب بھی خدا کی طرف سے کوئی نیا ذکر آتا ہے تو یہ اس سے اعراض ہی کرتے ہیں۔

So they have indeed rejected (the truth), therefore the news of that which they mock shall soon come to them.

یقینًا انہوں نے تکذیب کی ہے تو عنقریب ان کے پاس اس بات کی خبریں آجائیں گی جس کا یہ لوگ مذاق اڑا رہے تھے۔

Do they not see the earth, how many of every noble kind We have caused to grow in it?

کیا ان لوگوں نے زمین کی طرف نہیں دیکھا کہ ہم نے کس طرح عمدہ عمدہ چیزیں اُگائی ہیں۔

Most surely there is a sign in that, but most of them will not believe.

اس میں ہماری نشانی ہے لیکن ان کی اکثریت ایمان لانے والی نہیں ہے۔

And most surely your Lord is the Mighty, the Merciful.

اور آپ کا پروردگار صاحبِ عزّت بھی ہے اور صاحبِ حکمت بھی ہے۔

And when your Lord called out to Musa, saying: Go to the unjust people

اور اس وقت کو یاد کرو جب آپ کے پروردگار نے موسیٰؑ کو آواز دی کہ اس ظالم قوم کے پاس جاؤ۔

The people of Firon: Will they not guard (against evil)?

یہ فرعون کی قوم ہے کیا یہ متقی نہ بنیں گے۔

He said: O my Lord! surely I fear that they will reject me;

موسیٰؑ نے کہا کہ پروردگار میں ڈرتا ہوں کہ یہ میری تکذیب نہ کریں۔

And my breast straitens, and my tongue is not eloquent, therefore send Thou to Haroun (to help me);

میرا دل تنگ ہو رہا ہے اور میری زبان رواں نہیں ہے یہ پیغام ہارون کے پاس بھیج دے۔

And they have a crime against me, therefore I fear that they may slay me.

اور میرے اوپر ان کا ایک جرم بھی ہے تو مجھے خوف ہے کہ یہ مجھے قتل نہ کر دیں۔

He said: By no means, so go you both with Our signs; surely We are with you, hearing;

ارشاد ہوا کہ ہرگز نہیں تم دونوں ہی ہماری نشانیوں کو لے کر جاؤ اور ہم بھی تمہارے ساتھ سب سن رہے ہیں۔

Then come to Firon and say: Surely we are the messengers of the Lord of the worlds:

فرعون کے پاس جاؤ اور کہو کہ ہم دونوں رب العالمین کے فرستادہ ہیں۔

Then send with us the children of Israel.

کہ بنی اسرائیل کو میرے ساتھ بھیج دے۔

(Firon) said: Did we not bring you up as a child among us, and you tarried among us for (many) years of your life?

اس نے کہا کیا ہم نے تمہیں بچپنے میں پالا نہیں ہے اور کیا تم نے ہمارے درمیان اپنی عمر کے کئی سال نہیں گزارے ہیں۔

And you did (that) deed of yours which you did, and you are one of the ungrateful.

اور تم نے وہ کام کیا ہے جو تم کر گئے ہو اور تم شکریہ ادا کرنے والوں میں سے نہیں ہو۔

He said: I did it then while I was of those unable to see the right course;

موسیٰؑ نے کہا کہ وہ قتل میں نے اس وقت کیا تھا جب میں قتل سے غافل تھا۔

So I fled from you when I feared you, then my Lord granted me wisdom and made me of the apostles;

پھر میں نے تم لوگوں کے خوف سے گریز اختیار کیا تو میرے رب نے مجھے نبوت عطا فرمائی اور مجھے اپنے نمائندوں میں سے قرار دے دیا۔

And is it a favor of which you remind me that you have enslaved the children of Israel?

یہ احسان جو تربیت کے سلسلہ میں تو جتا رہا ہے تو تو نے بڑا غضب کیا تھا کہ بنی اسرائیل کو غلام بنا لیا تھا۔

Firon said: And what is the Lord of the worlds?

فرعون نے کہا کہ یہ ربّ العالمین کیا چیز ہے۔

He said: The Lord of the heavens and the earth and what is between them, if you would be sure.

موسیٰؑ نے کہا کہ زمین و آسمان اور اس کے مابین جو کچھ ہے سب کا پروردگار اگر تم یقین کر سکو۔

(Firon) said to those around him: Do you not hear?

فرعون نے اپنے اطرافیوں سے کہا کہ تم کچھ سن رہے ہو۔

He said: Your Lord and the Lord of your fathers of old.

موسیٰؑ نے کہا کہ وہ تمہارا بھی رب ہے اور تمہارے باپ دادا کا بھی رب ہے۔

Said he: Most surely your Apostle who is sent to you is mad.

فرعون نے کہا کہ یہ رسول جو تمہاری طرف بھیجا گیا ہے یہ بالکل دیوانہ ہے۔

He said: The Lord of the east and the west and what is between them, if you understand.

موسیٰؑ نے کہا وہ مشرق و مغرب اور جو کچھ اس کے درمیان ہے سب کا پروردگار ہے اگر تمہارے پاس عقل ہے۔

Said he: If you will take a god besides me, I will most certainly make you one of the imprisoned.

فرعون نے کہا کہ تم نے میرے علاوہ کسی خدا کو بھی اختیار کیا تو تمہیں قیدیوں میں شامل کر دوں گا۔

He said: What! even if I bring to you something manifest?

موسیٰؑ نے جواب دیا کہ چاہے میں کھلی ہوئی دلیل ہی پیش کر دوں۔

Said he: Bring it then, if you are of the truthful ones.

فرعون نے کہا وہ دلیل کیا ہے اگر تم سچےّ ہو تو پیش کرو۔

So he cast down his rod, and lo! it was an obvious serpent

موسیٰؑ نے اپنا عصا ڈال دیا اور وہ سانپ بن کر رینگنے لگا۔

And he drew forth his hand, and lo! it appeared white to the onlookers.

اور گریبان سے ہاتھ نکالا تو وہ سفید چمک دار نظر آنے لگا۔

(Firon) said to the chiefs around him: Most surely this is a skillful magician

فرعون نے اپنے اطراف والوں سے کہا کہ یہ تو بڑا ہوشیار جادوگر معلوم ہوتا ہے۔

Who desires to turn you out of your land with his magic; what is it then that you advise?

اس کا مقصد یہ ہے کہ جادو کے زور پر تمہیں تمہاری زمین سے نکال باہر کر دے تو اب تمہاری رائے کیا ہے۔

They said: Give him and his brother respite and send heralds into the cities;

لوگوں نے کہا کہ انہیں اور ان کے بھائی کو روک لیجئے اور شہروں میں جادوگروں کو اکٹھا کرنے والوں کو روانہ کر دیجئے۔

That they should bring to you every skillful magician.

وہ لوگ ایک سے ایک ہوشیار جادو گر لے آئیں گے۔

So the magicians were gathered together at the appointed time on the fixed day

غرض وقت مقرر پر تمام جادوگر اکٹھا کئے گئے۔

And it was said to the people: Will you gather together?

اور ان لوگوں سے کہا گیا کہ تم سب اس بات پر اجتماع کرنے والے ہو۔

Haply we may follow the magicians, if they are the vanquishers.

شاید ہم لوگ ان ساحروں کا اتباع کر لیں اگر وہ غالب آگئے۔

And when the magicians came, they said to Firon: Shall we get a reward if we are the vanquishers?

اس کے بعد جب جادوگر اکٹھا ہوئے تو انہوں نے فرعون سے کہا کہ اگر ہم غالب آگئے تو کیا ہماری کوئی اجرت ہو گی۔

He said: Yes, and surely you will then be of those who are made near.

فرعون نے کہا کہ بے شک تم لوگ میرے مقربین میں شمار ہو گے۔

Musa said to them: Cast what you are going to cast.

موسیٰؑ نے ان لوگوں سے کہا کہ جو کچھ پھینکنا چاہتے ہو پھینکو۔

So they cast down their cords and their rods and said: By Firon’s power, we shall most surely be victorious.

تو ان لوگوں نے اپنی رسیوں اور چھڑیوں کو پھینک دیا اور کہا کہ فرعون کی عزّت و جلال کی قسم ہم لوگ غالب آنے والے ہیں۔

Then Musa cast down his staff and lo! it swallowed up the lies they told.

پھر موسیٰؑ نے بھی اپنا عصا ڈال دیا تو لوگوں نے اچانک کیا دیکھا کہ وہ سب کے جادو کو نگلے جا رہا ہے۔

And the magicians were thrown down prostrate;

یہ دیکھ کر جادوگر سجدہ میں گر پڑے۔

. They said: We believe in the Lord of the worlds:

اور ان لوگوں نے کہا کہ ہم تو رب العالمین پر ایمان لے آئے۔

The Lord of Musa and Haroun.

جو موسیٰؑ اور ہارون دونوں کا رب ہے۔

Said he: You believe in him before I give you permission; most surely he is the chief of you who taught you the magic, so you shall know: certainly I will cut off your hands and your feet on opposite sides, and certainly I will crucify you all.

فرعون نے کہا کہ تم لوگ میری اجازت سے پہلے ہی ایمان لے آئے یہ تم سے بھی بڑا جادوگر ہے جس نے تم لوگوں کو جادو سکھایا ہے میں تم لوگوں کے ہاتھ پاؤں مختلف سمتوں سے کاٹ دوں گا اور تم سب کو سولی پر لٹکا دوں گا۔

They said: No harm; surely to our Lord we go back;

ان لوگوں نے کہا کہ کوئی حرج نہیں ہم سب پلٹ کر اپنے رب کی بارگاہ میں پہنچ جائیں گے۔

Surely we hope that our Lord will forgive us our wrongs because we are the first of the believers.

ہم تو صرف یہ چاہتے ہیں کہ ہمارا پروردگار ہماری خطاؤں کو معاف کر دے کہ ہم سب سے پہلے ایمان لانے والے ہیں۔

And We revealed to Musa, saying: Go away with My servants travelling by night, surely you will be pursued.

اور ہم نے موسیٰؑ کی طرف وحی کی کہ میرے بندوں کو لے کر راتوں رات نکل جاؤ کہ تمہارا پیچھا کیا جانے والا ہے۔

So Firon sent heralds into the cities;

پھر فرعون نے مختلف شہروں میں لشکر جمع کرنے والے روانہ کر دیئے۔

Most surely these are a small company;

کہ یہ تھوڑے سے افراد کی ایک جماعت ہے۔

And most surely they have enraged us;

اور ان لوگوں نے ہمیں غصّہ دلا دیا ہے۔

And most surely we are a vigilant multitude.

اور ہم سب سارے ساز و سامان کے ساتھ ہیں۔

So We turned them out of gardens and springs

نتیجہ میں ہم نے ان کو باغات اور چشموں سے نکال باہر کر دیا۔

And treasures and goodly dwellings

اور خزانوں اور باعزّت جگہوں سے بھی۔

Even so. And We gave them as a heritage to the children of Israel.

اور ہم اسی طرح سزا دیتے ہیں اور ہم نے زمین کا وارث بنی اسرائیل کو بنا دیا۔

Then they pursued them at sunrise.

پھر ان لوگوں نے موسیٰؑ اور ان کے ساتھیوں کا صبح سویرے پیچھا کیا۔

So when the two hosts saw each other, the companions of Musa cried out: Most surely we are being overtaken.

پھر جب دونوں ایک دوسرے کو نظر آنے لگے تو اصحابِ موسیٰؑ نے کہا کہ اب تو ہم گرفت میں آجائیں گے۔

He said: By no means; surely my Lord is with me: He will show me a way out.

موسیٰؑ نے کہا کہ ہرگز نہیں ہمارے ساتھ ہمارا پروردگار ہے وہ ہماری راہنمائی کرے گا۔

Then We revealed to Musa: Strike the sea with your staff. So it had cloven asunder, and each part was like a huge mound.

پھر ہم نے موسیٰؑ کی طرف وحی کی کہ اپنا عصا دریا میں مار دیں چنانچہ دریا شگافتہ ہو گیا اور ہر حصّہ ایک پہاڑ جیسا نظر آنے لگا۔

And We brought near, there, the others.

اور دوسرے فریق کو بھی ہم نے قریب کر دیا۔

And We saved Musa and those with him, all of them.

اور ہم نے موسیٰؑ اور ان کے تمام ساتھیوں کو نجات دے دی۔

Then We drowned the others.

پھر باقی لوگوں کو غرق کر دیا۔

Most surely there is a sign in this, but most of them do not believe.

اس میں بھی ہماری ایک نشانی ہے اور بنی اسرائیل کی اکثریت ایمان لانے والی نہیں تھی۔

And most surely your Lord is the Mighty, the Merciful.

اور تمہارا پروردگار صاحبِ عزّت بھی ہے اور مہربان بھی۔

And recite to them the story of Ibrahim.

اور انہیں ابراہیمؑ کی خبر پڑھ کر سناؤ۔

When he said to his father and his people: What do you worship?

جب انہوں نے اپنے مربی باپ اور قوم سے کہا کہ تم لوگ کس کی عبادت کر رہے ہو۔

They said: We worship idols, so we shall be their votaries.

ان لوگوں نے کہا کہ ہم بتوں کی عبادت کرتے ہیں اور انہی کی مجاوری کرتے ہیں۔

He said: Do they hear you when you call?

تو ابراہیمؑ نے کہا کہ جب تم ان کو پکارتے ہو تو یہ تمہاری آواز سنتے ہیں۔

Or do they profit you or cause you harm?

یہ کوئی فائدہ یا نقصان پہنچاتے ہیں۔

They said: Nay, we found our fathers doing so.

ان لوگوں نے جواب دیا کہ ہم نے اپنے باپ دادا کو ایسا ہی کرتے دیکھا ہے۔

He said: Have you then considered what you have been worshipping:

ابراہیمؑ نے کہا کہ کیا تم کو معلوم ہے کہ جن کی تم عبادت کرتے ہو۔

You and your ancient sires.

تم اور تمہارے تمام بزرگانِ خاندان۔

Surely they are enemies to me, but not (so) the Lord of the worlds;

یہ سب میرے دشمن ہیں، رب العالمین کے علاوہ۔

Who created me, then He has shown me the way:

کہ جس نے مجھے پیدا کیا ہے اور پھر وہی ہدایت بھی دیتا ہے۔

And He Who gives me to eat and gives me to drink:

وہی کھانا دیتا ہے اور وہی پانی پلاتا ہے۔

And when I am sick, then He restores me to health;

اور جب بیمار ہو جاتا ہوں تو وہی شفا بھی دیتا ہے۔

And He Who will cause me to die, then give me life;

وہی موت دیتا ہے اور پھر وہی زندہ کرتا ہے۔

And Who, I hope, will forgive me my mistakes on the day of judgment.

اور اسی سے یہ امید ہے کہ روزِ حساب میری خطاؤں کو معاف کر دے۔

My Lord: Grant me wisdom, and join me with the good;

خدایا مجھے علم و حکمت عطا فرما اور مجھے صالحین کے ساتھ ملحق کر دے۔

And ordain for me a goodly mention among posterity;

اور میرے لئے آئندہ نسلوں میں سچی زبان اور ذکرِ خیر قرار دے۔

And make me of the heirs of the garden of bliss;

اور مجھے جنت کے وارثوں میں سے قرار دے۔

And forgive my father, for surely he is of those who have gone astray;

اور میرے مربی کو بخش دے کہ وہ گمراہوں میں سے ہے۔

And disgrace me not on the day when they are raised

اور مجھے اس دن رسوا نہ کرنا جب سب قبروں سے اٹھائے جائیں گے۔

The day on which property will not avail, nor sons

جس دن مال اور اولاد کوئی کام نہ آئے گا۔

Except him who comes to Allah with a heart free (from evil).

مگر وہ جو قلبِ سلیم کے ساتھ اللہ کی بارگاہ میں حاضر ہو۔

And the garden shall be brought near for those who guard (against evil)

اور جس دن جنّت پرہیز گاروں سے قریب تر کر دی جائے گی۔

And the hell shall be made manifest to the erring ones

اور جہنّم کو گمراہوں کے سامنے کر دیا جائے گا۔

And it shall be said to them: Where are those that you used to worship;

اور جہنّمیوں سے کہا جائے گا کہ کہاں ہیں وہ جن کی تم عبادت کیا کرتے تھے۔

Besides Allah? Can they help you or yet help themselves?

خدا کو چھوڑ کر وہ تمہاری مدد کریں گے یا اپنی مدد کریں گے۔

So they shall be thrown down into it, they and the erring ones

پھر وہ سب مع تمام گمراہوں کے جہنّم میں منہ کے بل ڈھکیل دیئے جائیں گے۔

And the hosts of the Shaitan, all.

اور ابلیس کے تمام لشکر والے بھی۔

They shall say while they contend therein:

اور وہ سب جہنّم میں آپس میں جھگڑا کرتے ہوئے کہیں گے۔

By Allah! we were certainly in manifest error

کہ خدا کی قسم ہم سب کھلی ہوئی گمراہی میں تھے۔

When we made you equal to the Lord of the worlds;

جب تم کو رب العالمین کے برابر قرار دے رہے تھے۔

And none but the guilty led us astray;

اور ہمیں مجرموں کے علاوہ کسی نے گمراہ نہیں کیا۔

So we have no intercessors

اب ہمارے لئے کوئی شفاعت کرنے والا بھی نہیں ہے۔

Nor a true friend;

اور نہ کوئی دل پسند دوست ہے۔

But if we could but once return, we would be of the believers.

پس اے کاش ہمیں واپسی نصیب ہو جاتی تو ہم سب بھی صاحبِ ایمان ہو جاتے۔

Most surely there is a sign in this, but most of them do not believe.

اس میں بھی ہماری ایک نشانی ہے اور ان کی اکثریت بہرحال مومین نہیں تھی۔

And most surely your Lord is the Mighty, the Merciful.

اور تمہارا پروردگار سب پر غالب بھی ہے اور مہربان بھی ہے۔

The people of Nuh rejected the apostles.

اور نوحؑ کی قوم نے بھی مرسلین کی تکذیب کی۔

When their brother Nuh said to them: Will you not guard (against evil)?

جب ان کے بھائی نوحؑ نے ان سے کہا کہ تم پرہیز گاری کیوں نہیں اختیار کرتے ہو۔

Surely I am a faithful apostle to you;

میں تمہارے لئے امانت دار نمائندہ پروردگار ہوں۔

Therefore guard against (the punishment of) Allah and obey me;

پس اللہ سے ڈرو اور میری اطاعت کرو۔

And I do not ask you any reward for it; my reward is only with the Lord of the worlds:

اور میں اس تبلیغ کی کوئی اجر بھی نہیں چاہتا ہوں میری اجر ت تو رب العالمین کے ذمہ ہے۔

So guard against (the punishment of) Allah and obey me.

لہذا تم اللہ سے ڈرو اور میری اطاعت کرو۔

They said: Shall we believe in you while the meanest follow you?

ان لوگوں نے کہا کہ ہم آپ پر کس طرح ایمان لے آئیں جبکہ آپ کے سارے پیروکار پست طبقہ کے لوگ ہیں۔

He said: And what knowledge have I of what they do?

نوحؑ نے کہا کہ میں کیا جانوں کہ یہ کیا کرتے تھے۔

Their account is only with my Lord, if you could perceive;

ان کا حساب تو میرے پروردگار کے ذمہ ہے اگر تم اس بات کا شعور رکھتے ہو۔

And I am not going to drive away the believers;

اور میں مومنین کو ہٹانے ولا نہیں ہوں۔

I am naught but a plain warner.

میں تو صرف واضح طور پر عذابِ الٰہی سے ڈرانے والا ہوں۔

They said: If you desist not, O Nuh, you shall most certainly be of those stoned to death.

ان لوگوں نے کہا کہ نوح اگر تم ان باتوں سے باز نہ آئے تو ہم تمہیں سنگسار کر دیں گے۔

He said: My Lord! Surely my people give me the lie!

نوحؑ نے یہ سن کر فریاد کی کہ پروردگار میری قوم نے مجھے جھٹلا دیا ہے۔

Therefore judge Thou between me and them with a (just) judgment, and deliver me and those who are with me of the believers.

اب میرے اور ان کے درمیان کھلا ہوا فیصلہ فرما دے اور مجھے اور میرے ساتھی صاحبانِ ایمان کو نجات دے دے۔

So We delivered him and those with him in the laden ark.

پھر ہم نے انہیں اور ان کے ساتھیوں کو ایک بھری ہوئی کشتی میں نجات دے دی۔

Then We drowned the rest afterwards

اس کے بعد باقی سب کو غرق کر دیا۔

Most surely there is a sign in this, but most of them do not believe.

یقینًا اس میں بھی ہماری ایک نشانی ہے اور ان کی اکثریت ایمان لانے والی نہیں تھی۔

And most surely your Lord is the Mighty, the Merciful.

اور تمہارا پروردگار ہی سب پر غالب اور مہربان ہے۔

Ad gave the lie to the apostles.

اور قومِ عاد نے بھی مرسلین کی تکذیب کی ہے۔

When their brother Hud said to them: Will you not guard (against evil)?

جب ان کے بھائی ہود نے کہا کہ تم خوفِ خدا کیوں نہیں پیدا کرتے ہو۔

Surely I am a faithful apostle to you;

میں تمہارے لئے ایک امانتدار پیغمبر ہوں۔

Therefore guard against (the punishment of) Allah and obey me:

لہذا اللہ سے ڈرو اور میری اطاعت کرو۔

And I do not ask you any reward for it; surely my reward is only with the Lord of the worlds;

اور میں تو تم سے تبلیغ کا کوئی اجر بھی نہیں چاہتا ہوں میرا اجر صرف رب العالمین کے ذمہ ہے۔

Do you build on every height a monument? Vain is it that you do:

کیا تم کھیل تماشے کے لئے ہر اونچی جگہ پر ایک یادگار بناتے ہو۔

And you make strong fortresses that perhaps you may abide.

اور بڑے بڑے محل تعمیر کرتے ہو کہ شاید اسی طرح ہمیشہ دنیا میں رہ جاؤ۔

And when you lay hands (on men) you lay hands (like) tyrants;

اور جب حملہ کرتے ہو تو نہایت جابرانہ حملہ کرتے ہو۔

So guard against (the punishment of) Allah and obey me;

اب اللہ سے ڈرو اور میری اطاعت کرو۔

And be careful of (your duty to) Him Who has given you abundance of what you know.

اور اس کا خوف پیدا کرو جس نے تمہاری ان تمام چیزوں سے مدد کی ہے جنہیں تم خوب جانتے ہو۔

He has given you abundance of cattle and children

تمہاری امداد جانوروں اور اولاد سے کی ہے۔

And gardens and fountains;

اور باغات اور چشموں سے کی ہے۔

Surely I fear for you the chastisement of a grievous day

میں تمہارے بارے میں بڑے سخت دن کے عذاب سے خوف زدہ ہوں۔

They said: It is the same to us whether you admonish or are not one of the admonishers;

ان لوگوں نے کہا کہ ہمارے لئے سب برابر ہے چاہے تم ہمیں نصیحت کرو یا تمہارا شمار نصیحت کرنے والوں میں نہ ہو۔

This is naught but a custom of the ancients;

یہ ڈرانا دھمکانا تو پرانے لوگوں کی عادت ہے۔

And we are not going to be punished.

اور ہم پر عذاب ہونے والا نہیں ہے۔

So they gave him the lie, then We destroyed them. Most surely there is a sign in this, but most of them do not believe.

پس قوم نے تکذیب کی اور ہم نے اسے ہلاک کر دیا کہ اس میں بھی ہماری ایک نشانی ہے اور ان کی اکثریت بہرحال مومین نہیں تھی۔

And most surely your Lord is the Mighty, the Merciful.

اور تمہارا پروردگار غالب بھی ہے اور مہربان بھی ہے۔

Samood gave the lie to the apostles

اور قوم ثمود نے بھی مرسلین کی تکذیب کی۔

When their brother Salih said to them: Will you not guard (against evil)?

جب ان کے بھائی صالح نے کہا کہ تم لوگ خدا سے کیوں نہیں ڈرتے ہو۔

Surely I am a faithful apostle to you;

میں تمہارے لئے ایک امانتدار پیغمبر ہوں۔

Therefore guard against (the punishment of) Allah and obey me:

لہذا اللہ سے ڈرو اور میری اطاعت کرو۔

And I do not ask you any reward for it; my reward is only with the Lord of the worlds:

اور میں تم سے اس کام کی اجرت بھی نہیں چاہتا ہوں میری اجرت تو خدائے رب العالمین کے ذمہ ہے۔

Will you be left secure in what is here;

کیا تم یہاں کی نعمتوں میں اسی آرام سے چھوڑ دیئے جاؤ گے۔

In gardens and fountains

انہی باغات اور چشموں میں۔

And cornfields and palm-trees having fine spadices?

اور انہی کھیتوں اور خرمے کے درختوں کے درمیان جن کی کلیاں نرم و نازک ہیں۔

And you hew houses out of the mountains exultingly;

اور جو تم پہاڑوں کو کاٹ کر آسائشی مکانات تعمیر کر رہے ہو۔

Therefore guard against (the punishment of) Allah and obey me;

ایسا ہرگز نہیں ہو گا لہذا اللہ سے ڈرو اور میری اطاعت کرو۔

And do not obey the bidding of the extravagant

اور زیادتی کرنے والوں کی بات نہ مانو۔

Who make mischief in the land and do not act aright.

جو زمین میں فساد برپا کرتے ہیں اور اصلاح نہیں کرتے ہیں۔

They said: You are only of the deluded ones;

ان لوگوں نے کہا کہ تم پر تو صرف جادو کر دیا گیا ہے اور بس۔

You are naught but a mortal like ourselves; so bring a sign if you are one of the truthful.

تم ہمارے ہی جیسے ایک انسان ہو لہذا اگر سچےّ ہو تو کوئی نشانی اور معجزہ لے آؤ۔

He said: This is a she-camel; she shall have her portion of water, and you have your portion of water on an appointed time;

صالح نے کہا کہ یہ ایک اونٹنی ہے ایک دن کا پانی اس کے لئے ہے اور ایک مقرر دن کا پانی تمہارے لئے ہے۔

And do not touch her with evil, lest the punishment of a grievous day should overtake you.

اور خبردار اسے کوئی تکلیف نہ پہنچانا ورنہ تمہیں سخت دن کا عذاب گرفتار کر لے گا۔

But they hamstrung her, then regretted;

پھر ان لوگوں نے اس کے پیر کاٹ دیئے اور بعد میں بہت شرمند ہوئے۔

So the punishment overtook them. Most surely there is a sign in this, but most of them do not believe.

کہ عذاب نے انہیں گھیر لیا اور یقینًا اس میں بھی ہماری ایک نشانی ہے اور ان کی اکثریت ایمان والی نہیں تھی۔

And most surely your Lord is the Mighty, the Merciful.

اور تمہارا پروردگار سب پر غالب آنے والا اور صاحبِ رحمت بھی ہے۔

The people of Lut gave the lie to the apostles.

اور قومِ لوط نے بھی مرسلین کو جھٹلایا۔

When their brother Lut said to them: Will you not guard (against evil)?

جب ان سے ان کے بھائی لوط نے کہا کہ تم خدا سے کیوں نہیں ڈرتے ہو۔

Surely I am a faithful apostle to you;

میں تمہارے حق میں ایک امانتدار پیغمبر ہوں۔

Therefore guard against (the punishment of) Allah and obey me:

اللہ سے ڈرو اور میری اطاعت کرو۔

And I do not ask you any reward for it; my reward is only with the Lord of the worlds;

اور میں تم سے اس امر کی کوئی اجرت بھی نہیں چاہتا ہوں میرا اجر تو صرف پروردگار کے ذمہ ہے جو عالمین کا پالنے والا ہے۔

What! do you come to the males from among the creatures

کیا تم لوگ ساری دنیا میں صرف مردوں ہی سے جنسی تعلقات پیدا کرتے ہو۔

And leave what your Lord has created for you of your wives? Nay, you are a people exceeding limits.

اور ان ازواج کو چھوڑ دیتے ہو جنہیں پروردگار نے تمہارے لئے پیدا کیا ہے حقیقتًا تم بڑی زیادتی کرنے والے لوگ ہو۔

They said: If you desist not, O Lut! you shall surely be of those who are expelled.

ان لوگوں نے کہا کہ لوط اگر تم اس تبلیغ سے باز نہ آئے تو اس بستی سے نکال باہر کر دیئے جاؤ گے۔

He said: Surely I am of those who utterly abhor your doing.

انہوں نے کہا کہ بہرحال میں تمہارے عمل سے بیزار ہوں۔

My Lord! deliver me and my followers from what they do.

پروردگار! مجھے اور میرے اہل کو ان کے اعمال کی سزا سے محفوظ رکھنا۔

So We delivered him and his followers all

تو ہم نے انہیں اور ان کے اہل سب کو نجات دے دی۔

Except an old woman, among those who remained behind.

سوائے اس ضعیفہ کے کہ جو پیچھے رہ گئی۔

Then We utterly destroyed the others.

پھر ہم نے ان لوگوں کو تباہ و برباد کر دیا۔

And We rained down upon them a rain, and evil was the rain on those warned.

اور ان کے اوپر زبردست پتھروں کی بارش کر دی جو ڈرائے جانے والوں کے حق میں بدترین بارش ہے۔

Most surely there is a sign in this, but most of them do not believe.

اور اس میں بھی ہماری ایک نشانی ہے اور ان کی اکثریت بہرحال مومین نہیں تھی۔

And most surely your Lord is the Mighty, the Merciful.

اور تمہارا پروردگار عزیز بھی ہے اور رحیم بھی ہے۔

The dwellers of the thicket gave the lie to the apostles.

اور جنگل کے رہنے والوں نے بھی مرسلین کو جھٹلایا۔

When Shu’aib said to them: Will you not guard (against evil)?

جب ان سے شعیبؑ نے کہا کہ تم خدا سے ڈرتے کیوں نہیں ہو۔

Surely I am a faithful apostle to you;

میں تمہارے لئے ایک امانتدار پیغمبر ہوں۔

Therefore guard against (the punishment of) Allah and obey me:

لہذا اللہ سے ڈرو اور میری اطاعت کرو۔

And I do not ask you any reward for it, my reward is only with the Lord of the worlds;

اور میں تم سے اس کام کی کوئی اجرت بھی نہیں چاہتا ہوں کہ میرا اجر تو صرف رب العالمین کے ذمہ ہے۔

Give a full measure and be not of those who diminish;

اور دیکھو ناپ تول کو ٹھیک رکھو اور لوگوں کو خسارہ دینے والے نہ بنو۔

And weigh (things) with a right balance

اور وزن کرو تو صحیح اور سچیّ ترازو سے تولو۔

And do not wrong men of their things, and do not act corruptly in the earth, making mischief.

اور لوگوں کی چیزوں میں کمی نہ کیا کرو اور روئے زمین میں فساد نہ پھیلاتے پھرو۔

And guard against (the punishment of) Him who created you and the former nations.

اور اس خدا سے ڈرو جس نے تمہیں اور تم سے پہلے والی نسلوں کو پیدا کیا ہے۔

They said: You are only of those deluded;

ان لوگوں نے کہا کہ تم تو صرف جادو زدہ معلوم ہوتے ہو۔

And you are naught but a mortal like ourselves, and we know you to be certainly of the liars.

اور تم ہمارے ہی جیسے ایک انسان ہو اور ہمیں تو جھوٹے بھی معلوم ہوتے ہو۔

Therefore cause a portion of the heaven to come down upon us, if you are one of the truthful.

اور اگر واقعًا سچے ہو تو ہمارے اوپر آسمان کا کوئی ٹکڑا نازل کر دو۔

He said: My Lord knows best what you do.

انہوں نے کہا کہ ہمارا پروردگار تمہارے اعمال سے خوب باخبر ہے۔

But they called him a liar, so the punishment of the day of covering overtook them; surely it was the punishment of a grievous day.

پھر ان لوگوں نے تکذیب کی تو انہیں سایہ کے دن کے عذاب نے اپنی گرفت میں لے لیا کہ یہ بڑے سخت دن کا عذاب تھا۔

Most surely there is a sign in this, but most of them do not believe.

بےشک اس میں بھی ہماری ایک نشانی ہے اور ان کی اکثریت ایمان لانے والی نہیں تھی۔

And most surely your Lord is Mighty, the Merciful.

اور تمہارا پروردگار بہت بڑا عزّت والا اور مہربان ہے۔

And most surely this is a revelation from the Lord of the worlds.

اور یہ قرآن رب العالمین کی طرف سے نازل ہونے والا ہے۔

The Faithful Spirit has descended with it

اسے جبریل امین لے کر نازل ہوئے ہیں۔

Upon your heart that you may be of the warners

یہ آپ کے قلب پر نازل ہوا ہے تاکہ آپ لوگوں کو عذابِ الٰہی سے ڈرائیں۔

In plain Arabic language.

یہ واضح عربی زبان میں ہے۔

And most surely the same is in the scriptures of the ancients.

اور اس کا ذکر سابقین کی کتابوں میں بھی موجود ہے۔

Is it not a sign to them that the learned men of the Israelites know it?

کیا یہ نشانی ان کے لئے کافی نہیں ہے کہ اسے بنی اسرائیل کے علماء بھی جانتے ہیں۔

And if we had revealed it to any of the foreigners

اور اگر ہم اسے کسی عجمی آدمی پر نازل کر دیتے۔

So that he should have recited it to them, they would not have believed therein.

اور وہ انہیں پڑھ کر سناتا تو یہ کبھی ایمان لانے والے نہیں تھے۔

Thus have We caused it to enter into the hearts of the guilty.

اور اس طرح ہم نے اس انکار کو مجرمین کے دلوں تک جانے کا رستہ دے دیا ہے۔

They will not believe in it until they see the painful punishment.

کہ یہ ایمان لانے والے نہیں ہیں جب تک کہ درد ناک عذاب نہ دیکھ لیں۔

And it shall come to them all of a sudden, while they shall not perceive;

کہ یہ عذاب ان پر اچانک نازل ہو جائے اور انہیں شعور تک نہ ہو۔

Then they will say: Shall we be respited?

اس وقت یہ کہیں گے کہ کیا ہمیں مہلت دی جا سکتی ہے۔

What! do they still seek to hasten on Our punishment?

تو کیا لوگ ہمارے عذاب کی جلدی کر رہے ہیں۔

Have you then considered if We let them enjoy themselves for years

کیا تمہیں نہیں معلوم کہ ہم انہیں کئی سال کی مہلت دے دیں۔

Then there comes to them that with which they are threatened

اور اس کے بعد وہ عذاب آئے جس کا وعدہ کیا گیا ہے۔

That which they were made to enjoy shall not avail them?

تو بھی جو ان کو آرام دیا گیا تھا وہ ان کے کام نہ آئے گا۔

And We did not destroy any town but it had (its) warners

اور ہم نے کسی بستی کو ہلاک نہیں کیا مگر یہ کہ اس کے لئے ڈرانے والے بھیج دیئے تھے۔

To remind, and We are never unjust.

یہ ایک یاد دہانی تھی اور ہم ہرگز ظلم کرنے والے نہیں ہیں۔

And the Shaitans have not come down with it.

اور اس قرآن کو شیاطین لے کر حاضر نہیں ہوئے ہیں۔

And it behoves them not, and they have not the power to do (it).

یہ بات ان کے لئے مناسب بھی نہیں ہے اور ان کے بس کی بھی نہیں ہے۔

Most surely they are far removed from the hearing of it.

وہ تو وحی کے سننے سے بھی محروم ہیں۔

So call not upon another god with Allah, lest you be of those who are punished.

لہذا تم اللہ کے ساتھ کسی اور خدا کو مت پکارو کہ مبتلائے عذاب کر دیئے جاؤ۔

And warn your nearest relations

اور پیغمبر آپ اپنے قریبی رشتہ داروں کو ڈرایئے۔

And be kind to him who follows you of the believers.

اور جو صاحبانِ ایمان آپ کا اتباع کر لیں ان کے لئے اپنے شانوں کو جھکا دیجئے۔

But if they disobey you, then say: Surely I am clear of what you do.

پھر یہ لوگ آپ کی نافرمانی کریں تو کہہ دیجئے کہ میں تم لوگوں کے اعمال سے بیزار ہوں۔

And rely on the Mighty, the Merciful

اور خدائے عزیز و مہربان پر بھروسہ کیجئے۔

Who sees you when you stand up.

جو آپ کو اس وقت بھی دیکھتا ہے جب آپ قیام کرتے ہیں۔

And your turning over and over among those who prostrate themselves before Allah.

اور پھر سجدہ گزاروں کے درمیان آپ کا اٹھنا بیٹھنا بھی دیکھتا ہے۔

Surely He is the Hearing, the Knowing.

وہ سب کچھ سننے والا اور جاننے والا ہے۔

Shall I inform you (of him) upon whom the Shaitans descend?

کیا ہم آپ کو بتائیں کہ شیاطین کس پر نازل ہوتے ہیں۔

They descend upon every lying, sinful one

وہ ہر جھوٹے اور بد کردار پر نازل ہوتے ہیں۔

They incline their ears, and most of them are liars.

جو فرشتوں کی باتوں پر کان لگائے رہتے ہیں اور ان میں کے اکثر لوگ جھوٹے ہیں۔

And as to the poets, those who go astray follow them.

اور شعراء کی پیروی وہی لوگ کرتے ہیں جو گمراہ ہوتے ہیں۔

Do you not see that they wander about bewildered in every valley?

کیا تم نہیں دیکھتے ہو کہ وہ ہر وادئے خیال میں چکر لگاتے رہتے ہیں۔

And that they say that which they do not do

اور وہ کچھ کہتے ہیں جو کرتے نہیں ہیں۔

Except those who believe and do good and remember Allah much, and defend themselves after they are oppressed; and they who act unjustly shall know to what final place of turning they shall turn back.

علاوہ ان شعراء کے جو ایمان لائے اور انہوں نے نیک اعمال کئے اور بہت سارا ذکرِ خدا کیا اور ظلم سہنے کے بعد اس کا انتقام لیا اور عنقریب ظالمین کو معلوم ہو جائے گا کہ وہ کس جگہ پلٹا دیئے جائیں گے۔

In the Name of Allah, the most Gracious, the most Merciful.

اللہ کے نام سے (شروع کرتا ہوں) جو بڑا مہربان نہایت رحم کرنے والا ہے۔

Ta Sin! These are the verses of the Quran and the Book that makes (things) clear

طسۤ یہ قرآن اور روشن کتاب کی آیتیں ہیں۔

A guidance and good news for the believers

یہ صاحبانِ ایمان کے لئے ہدایت اور بشارت ہیں۔

Who keep up prayer and pay the poor-rate, and of the hereafter, they are sure.

جو نماز قائم کرتے ہیں زکوٰۃ ادا کرتے ہیں اور آخرت پر یقین رکھتے ہیں۔

As to those who do not believe in the hereafter, We have surely made their deeds fair-seeming to them, but they blindly wander on.

بےشک جو لوگ آخرت پر ایمان نہیں رکھتے ہیں ہم نے ان کے اعمال کو ان کے لئے آراستہ کردیا ہے اور وہ ان ہی اعمال میں بھٹک رہے ہیں۔

These are they who shall have an evil punishment, and in the hereafter they shall be the greatest losers.

ان ہی لوگوں کے لئے بدترین عذاب ہے اور یہ آخرت میں خسارہ والے ہیں۔

And most surely you are made to receive the Quran from the Wise, the Knowing God.

اور آپ کو یہ قرآن خدائے علیم و حکیم کی طرف سے عطا کیا جا رہا ہے۔

When Musa said to his family: Surely I see fire; I will bring to you from it some news, or I will bring to you therefrom a burning firebrand so that you may warm yourselves.

اس وقت کو یاد کرو جب موسیٰؑ نے اپنے اہل سے کہا تھا کہ میں نے ایک آگ دیکھی ہے اور عنقریب میں اس سے راستہ کی خبر لاؤں گا یا آگ ہی کا کوئی انگارہ لے آؤں گا کہ تم تاپ سکو۔

So when he came to it a voice was uttered saying: Blessed is Whoever is in the fire and whatever is about it; and glory be to Allah, the Lord of the worlds;

اس کے بعد جب آگ کے پاس آئے تو آواز آئی کہ بابرکت ہے وہ خدا جو آگ کے اندر اور اس کے اطراف میں اپنا جلوہ دکھاتا ہے اور پاک و پاکیزہ ہے وہ پروردگار جو عالمین کا پالنے والا ہے۔

O Musa! surely I am Allah, the Mighty, the Wise;

موسیٰ! میں وہ خدا ہوں جو سب پر غالب اور صاحبِ حکمت ہے۔

And cast down your staff. So when he saw it in motion as if it were a serpent, he turned back retreating and did not return: O Musa! fear not; surely the apostles shall not fear in My presence;

اب تم اپنے عصا کو زمین پر ڈال دو اس کے بعد موسیٰؑ نے جب دیکھا تو کیا دیکھا کہ وہ سانپ کی طرح لہرا رہا ہے موسیٰؑ الٹے پاؤں پلٹ پڑے اور مڑ کر بھی نہ دیکھا آواز آئی کہ موسیٰ ڈرو نہیں میری بارگاہ میں مرسلین نہیں ڈرا کرتے ہیں۔

Neither he who has been unjust, then he does good instead after evil, for surely I am the Forgiving, the Merciful:

ہاں کوئی شخص گناہ کرکے پھر توبہ کرلے اور اس برائی کو نیکی سے بدل دے تو میں بہت بخشنے والا مہربان ہوں۔

And enter your hand into the opening of your bosom, it shall come forth white without evil; among nine signs to Firon and his people, surely they are a transgressing people.

اور اپنے ہاتھ کو گریبان میں ڈال کر نکالو تو دیکھو گے کہ بغیر کسی بیماری کے سفید چمکدار نکلتا ہے یہ ان نو معجزات میں سے ایک ہے جنہیں فرعون اور اس کی قوم کے لئے دیا گیا ہے کہ یہ بڑی بدکار قوم ہے۔

So when Our clear signs came to them, they said: This is clear enchantment.

مگر جب بھی ان کے پاس واضح نشانیاں آئیں تو انہوں نے کہہ دیا کہ یہ کھلا ہوا جادو ہے۔

And they denied them unjustly and proudly while their soul had been convinced of them; consider, then how was the end of the mischief-makers.

ان لوگوں نے ظلم اور غرور کے جذبہ کی بناء پر انکار کر دیا تھا ورنہ ان کے دل کو بالکل یقین تھا پھر دیکھو کہ ایسے مفسدین کا انجام کیا ہوتا ہے۔

And certainly We gave knowledge to Dawood and Sulaiman, and they both said: Praise be to Allah, Who has made us to excel many of His believing servants.

اور ہم نے داؤدؑ اور سلیمانؑ کو علم عطا کیا تو دونوں نے کہا کہ خدا کا شکر ہے کہ اس نے ہمیں بہت سے بندوں پر فضیلت عطا کی ہے۔

And Sulaiman was Dawood’s heir, and he said: O men! we have been taught the language of birds, and we have been given all things; most surely this is manifest grace.

اور پھر سلیمانؑ داؤدؑ کے وارث ہوئے اور انہوں نے کہا کہ لوگو مجھے پرندوں کی باتوں کا علم دیا گیا ہے اور ہر فضیلت کا ایک حصّہ عطا کیا گیا ہے اور یہ خدا کا کھلا ہوا فضل و کرم ہے۔

And his hosts of the jinn and the men and the birds were gathered to him, and they were formed into groups.

اور سلیمانؑ کے لئے ان کا تمام لشکر جنّات انسان اور پرندے سب اکٹھا کئے جاتے تھے تو بالکل مرتب منظم کھڑے کر دیئے جاتے تھے۔

Until when they came to the valley of the Naml, a Namlite said: O Naml! enter your houses, (that) Sulaiman and his hosts may not crush you while they do not know.

یہاں تک کہ جب وہ لوگ وادیئے نمل تک آئے تو ایک چیونٹی نے آواز دی کہ چیونٹیوں سب اپنے اپنے سوراخوں میں داخل ہو جاؤ کہ سلیمانؑ اور ان کا لشکر تمہیں پامال نہ کر ڈالے اور انہیں اس کا شعور بھی نہ ہو۔

So he smiled, wondering at her word, and said: My Lord! grant me that I should be grateful for Thy favor which Thou hast bestowed on me and on my parents, and that I should do good such as Thou art pleased with, and make me enter, by Thy mercy, into Thy servants, the good ones.

سلیمانؑ اس کی بات پر مسکرا دیئے اور کہا کہ پروردگار مجھے توفیق دے کہ میں تیری اس نعمت کا شکریہ ادا کروں جو تو نے مجھے اور میرے والدین کو عطا کی ہے اور ایسا نیک عمل کروں کہ تو راضی ہو جائے اور اپنی رحمت سے مجھے اپنے نیک بندوں میں شامل کر لے۔

And he reviewed the birds, then said: How is it I see not the hoopoe or is it that he is of the absentees?

اور سلیمانؑ نے ہد ہد کو تلاش کیا اور وہ نظر نہ آیا تو کہا کہ آخر مجھے کیا ہو گیا ہے کہ میں ہد ہد کو نہیں دیکھ رہا ہوں کیا وہ غائب ہو گیا ہے۔

I will most certainly punish him with a severe punishment, or kill him, or he shall bring to me a clear plea.

میں اسے سخت ترین سزادوں گا یا پھر ذبح کر ڈالوں گا یا یہ کہ وہ میرے پاس کوئی واضح دلیل لے آئے گا۔

And he tarried not long, then said: I comprehend that which you do not comprehend and I have brought to you a sure information from Sheba.

پھر تھوڑی دیر نہ گزری تھی کہ ہد ہد آگیا اور اس نے کہا کہ مجھے ایک ایسی بات معلوم ہوئی ہے جو آپ کو بھی معلوم نہیں ہے اور میں ملکِ سبا سے ایک یقینی خبر لے کر آیا ہوں۔

Surely I found a woman ruling over them, and she has been given abundance and she has a mighty throne:

میں نے ایک عورت کو دیکھا ہے جو سب پر حکومت کر رہی ہے اور اسے دنیا کی ہر چیز حاصل ہے اور اس کے پاس بہت بڑا تخت بھی ہے۔

1 found her and her people adoring the sun instead of Allah, and the Shaitan has made their deeds fair-seeming to them and thus turned them from the way, so they do not go aright;

میں نے دیکھا ہے کہ وہ اور اس کی قوم سب سورج کی پوجا کر رہے ہیں اور شیطان نے ان کی نظروں میں اس عمل کو حسن بنا دیا ہے اور انہیں صحیح راستہ سے روک دیا ہے کہ اب وہ یہ بھی نہیں سمجھتے ہیں۔

That they do not make obeisance to Allah, Who brings forth what is hidden in the heavens and the earth and knows what you hide and what you make manifest:

کہ کیوں نہ اس خدا کا سجدہ کریں جو آسمان و زمین کے پوشیدہ اسرار کو ظاہر کرنے والا ہے اور لوگ جو کچھ چھپاتے ہیں یا ظاہر کرتے ہیں سب کا جاننے والا ہے۔

Allah, there is no god but He: He is the Lord of mighty power.

وہ اللہ ہے جس کے علاوہ کوئی خدا نہیں ہے اور وہ عرشِ عظیم کا پروردگار ہے۔

He said: We will see whether you have told the truth or whether you are of the liars:

سلیمانؑ نے کہا کہ میں ابھی دیکھتا ہوں کہ تو نے سچ کہا ہے یا تیرا شمار بھی جھوٹوں میں ہے۔

Take this my letter and hand it over to them, then turn away from them and see what (answer) they return.

یہ میرا خط لے کر جا اور ان لوگوں کے سامنے ڈال دے پھر ان کے پاس سے ہٹ جا اور یہ دیکھ کہ وہ کیا جواب دیتے ہیں۔

She said: O chief! surely an honorable letter has been delivered to me;

اس عورت نے کہا کہ میرے زعماء سلطنت میری طرف ایک بڑا محترم خط بھیجا گیا ہے۔

Surely it is from Sulaiman, and surely it is in the name of Allah, the Beneficent, the Merciful;

جو سلیمان کی طرف سے ہے اور اس کا مضمون یہ ہے کہ شروع کرتا ہوں خدا کے نام سے جو بڑا رحمٰن و رحیم ہے۔

Saying: exalt not yourselves against me and come to me in submission.

دیکھو میرے مقابلہ میں سرکشی نہ کرو اور اطاعت گزار بن کر چلے آؤ۔

She said: O chiefs! give me advice respecting my affair: I never decide an affair until you are in my presence.

زعماءِ مملکت! میرے مسئلہ میں رائے دو کہ میں تمہاری رائے کے بغیر کوئی حتمی فیصلہ نہیں کر سکتی۔

They said: We are possessors of strength and possessors of mighty prowess, and the command is yours, therefore see what you will command.

ان لوگوں نے کہا کہ ہم صاحبانِ قوت اور ماہرین جنگ و جدال ہیں اور اختیار بہرحال آپ کے ہاتھ میں ہے آپ بتائیں کہ آپ کا حکم کیا ہے۔

She said: Surely the kings, when they enter a town, ruin it and make the noblest of its people to be low, and thus they (always) do;

اس نے کہا کہ بادشاہ جب کسی علاقہ میں داخل ہوتے ہیں تو بستی کو ویران کر دیتے ہیں اور صاحبانِ عزّت کو ذلیل کر دیتے ہیں اور ان کا یہی طریقہ کار ہوتا ہے۔

And surely I am going to send a present to them, and shall wait to see what (answer) do the messengers bring back.

اور میں ان کی طرف ایک ہدیہ بھیج رہی ہوں اور پھر دیکھ رہی ہوں کہ میرے نمائندے کیا جواب لے کر آتے ہیں۔

So when he came to Sulaiman, he said: What! will you help me with wealth? But what Allah has given me is better than what He has given you. Nay, you are exultant because of your present;

اس کے بعد جب قاصد سلیمانؑ کے پاس آیا تو انہوں نے کہا کہ تم اپنے مال سے میری امداد کرنا چاہتے ہو جب کہ جو کچھ خدا نے مجھے دیا ہے وہ تمہارے مال سے کہیں زیادہ بہتر ہے جاؤ تم خود ہی اپنے ہدیہ سے خوش رہو۔

Go back to them, so we will most certainly come to them with hosts which they shall have no power to oppose, and we will most certainly expel them therefrom in abasement, and they shall be in a state of ignominy.

جاؤ تم واپس جاؤ اب میں ایک ایسا لشکر لے کر آؤں گا جس کا مقابلہ ممکن نہ ہو گا اور پھر سب کو ذلّت و رسوائی کے ساتھ ملک سے باہر نکالوں گا۔

He said: O chiefs! which of you can bring to me her throne before they come to me in submission?

پھر اعلان کیا کہ میرے اشراف سلطنت! تم میں کون ہے جو اس کے تخت کو لے کر آئے قبل اس کے کہ وہ لوگ اطاعت گزار بن کر حاضر ہوں۔

One audacious among the jinn said: I will bring it to you before you rise up from your place; and most surely I am strong (and) trusty for it.

تو جنّات میں سے ایک دیو نے کہا کہ میں اتنی جلدی لے آؤں گا کہ آپ اپنی جگہ سے بھی نہ اٹھیں گے میں بڑا صاحبِ قوت اور ذمہ دار ہوں۔

One who had the knowledge of the Book said: I will bring it to you in the twinkling of an eye. Then when he saw it settled beside him, he said: This is of the grace of my Lord that He may try me whether I am grateful or ungrateful; and whoever is grateful, he is grateful only for his own soul, and whoever is ungrateful, then surely my Lord is Self-sufficient, Honored.

اور ایک شخص نے جس کے پاس کتاب کا ایک حصّہ علم تھا اس نے کہا کہ میں اتنی جلدی لے آؤں گا کہ آپ کی پلک بھی نہ جھپکنے پائے اس کے بعد سلیمانؑ نے تخت کو اپنے سامنے حاضر دیکھا تو کہنے لگے یہ میرے پروردگار کا فضل و کرم ہے وہ میرا امتحان لینا چاہتا ہے کہ میں شکریہ ادا کرتا ہوں یا کفرانِ نعمت کرتا ہوں اور جو شکریہ ادا کرے گا وہ اپنے ہی فائدہ کے لئے کرے گا اور جو کفرانِ نعمت کرے گا اس کی طرف سے میرا پروردگار بے نیاز اور کریم ہے۔

He said: Alter her throne for her, we will see whether she follows the right way or is of those who do not go aright.

سلیمان نے کہا کہ اس کے تخت کو ناقابل شناخت بنا دیا جائے تاکہ ہم دیکھیں کہ وہ سمجھ پاتی ہے یا نا سمجھ لوگوں میں ہے۔

So when she came, it was said: Is your throne like this? She said: It is as it were the same, and we were given the knowledge before it, and we were submissive.

جب وہ آئی تو سلیمان نے کہا کہ کیا تمہارا تخت ایسا ہی ہے اس نے کہا کہ بالکل ایسا ہی ہے بلکہ شاید یہی ہے اور مجھے تو پہلے ہی علم ہو گیا تھا اور میں اطاعت گزار ہو گئی تھی۔

And what she worshipped besides Allah prevented her, surely she was of an unbelieving people.

اور اسے اس معبود نے روک رکھا تھا جسے خدا کو چھوڑ کر معبود بنائے ہوئے تھی کہ وہ ایک کافر قوم سے تعلق رکھتی تھی۔

It was said to her: Enter the palace; but when she saw it she deemed it to be a great expanse of water, and bared her legs. He said: Surely it is a palace made smooth with glass. She said: My Lord! surely I have been unjust to myself, and I submit with Sulaiman to Allah, the Lord of the worlds.

پھر اس سے کہا گیا کہ قصر میں داخل ہو جائے اب جو اس نے دیکھا تو سمجھی کہ کوئی گہرا پانی ہے اور اپنی پنڈلیاں کھول دیں سلیمانؑ نے کہا کہ یہ ایک قلعہ ہے جسے شیشوں سے منڈھ دیا گیا ہے اور بلقیس نے کہا کہ میں نے اپنے نفس پر ظلم کیا تھا اور اب میں سلیمان کے ساتھ اس خدا پر ایمان لے آئی ہوں جو عالمین کا پالنے والا ہے۔

And certainly We sent to Samood their brother Salih, saying: Serve Allah; and lo! they became two sects quarrelling with each other.

اور ہم نے قومِ ثمود کی طرف ان کے بھائی صالح کو بھیجا کہ تم لوگ اللہ کی عبادت کرو تو دونوں فریق آپس میں جھگڑا کرنے لگے۔

He said: O my people! why do you seek to hasten on the evil before the good? Why do you not ask forgiveness of Allah so that you may be dealt with mercifully?

صالح نے کہا کہ قوم والو آخر بھلائی سے پہلے برائی کی جلدی کیوں کر رہے ہو تم لوگ اللہ سے استغفار کیوں نہیں کرتے کہ شاید تم پر رحم کر دیا جائے۔

They said: We have met with ill luck on account of you and on account of those with you. He said: The cause of your evil fortune is with Allah; nay, you are a people who are tried.

ان لوگوں نے کہا کہ ہم نے تم سے اور تمہارے ساتھیوں سے برا شگون ہی پایا ہے انہوں نے کہا کہ تمہاری بدقسمتی اللہ کے پاس مقدر ہے اور یہ در حقیقت تمہاری آزمائش کی جارہی ہے۔

And there were in the city nine persons who made mischief in the land and did not act aright.

اور اس شہر میں نو افراد تھے جو زمین میں فساد برپا کرتے تھے اور اصلاح نہیں کرتے تھے۔

They said: Swear to each other by Allah that we will certainly make a sudden attack on him and his family by night, then we will say to his heir: We did not witness the destruction of his family, and we are most surely truthful.

ان لوگوں نے کہا کہ تم سب آپس میں خدا کی قسم کھاؤ کہ صالح اور ان کے گھر والوں پر راتوں رات حملہ کر دو گے اور بعد میں ان کے وارثوں سے کہہ دو گے کہ ہم ان کے گھر والوں کی ہلاکت کے وقت موجود ہی نہیں تھے اور ہم اپنے بیان میں بالکل سچےّ ہیں۔

And they planned a plan, and We planned a plan while they perceived not.

اور پھر انہوں نے اپنی چال چلی اور ہم نے بھی اپنا انتظام کیا کہ انہیں خبر بھی نہ ہو سکی۔

See, then, how was the end of their plan that We destroyed them and their people, all (of them).

پھر اب دیکھو کہ ان کی مکاّری کا انجام کیا ہوا کہ ہم نے ان رؤساء کو ان کی قوم سمیت بالکل تباہ و برباد کر دیا۔

So those are their houses fallen down because they were unjust, most surely there is a sign in this for a people who know.

اب یہ ان کے گھر ہیں جو ظلم کی بنا پر خالی پڑے ہوئے ہیں اور یقینًا اس میں صاحبانِ علم کے لئے ایک نشانی پائی جاتی ہے۔

And We delivered those who believed and who guarded (against evil).

اور ہم نے ان لوگوں کو نجات دے دی جو ایمان والے تھے اور تقویٰ الٰہی اختیار کئے ہوئے تھے۔

And (We sent) Lut, when he said to his people: What! do you commit indecency while you see?

اور لوط کو یاد کرو جب انہوں نے اپنی قوم سے کہا کہ کیا تم آنکھیں رکھتے ہوئے بدکاری کا ارتکاب کر رہے ہو۔

What! do you indeed approach men lustfully rather than women? Nay, you are a people who act ignorantly.

کیا تم لوگ ازراہِ شہوت مردوں سے تعلقات پیدا کر رہے ہو اور عورتوں کو چھوڑے دے رہے ہو اور در حقیقت تم لوگ بالکل جاہل قوم ہو۔

But the answer of his people was no other except that they said: Turn out Lut’s followers from your town; surely they are a people who would keep pure!

تو ان کی قوم کا کوئی جواب نہیں تھا سوائے اس کے کہ لوط والوں کو اپنی بستی سے نکال باہر کر دو کہ یہ لوگ بہت پاکباز بن رہے ہیں۔

But We delivered him and his followers except his wife; We ordained her to be of those who remained behind.

تو ہم نے لوط اور ان کے خاندان والوں کو زوجہ کے علاوہ سب کو نجات دے دی کہ وہ پیچھے رہ جانے والوں میں تھی۔

And We rained on them a rain, and evil was the rain of those who had been warned.

اور ہم نے ان پر عجیب و غریب قسم کی بارش کر دی کہ جن لوگوں کو ڈرایا جاتا ہے ان پر بارشِ عذاب بھی بہت بری ہوتی ہے۔

Say: Praise be to Allah and peace on His servants whom He has chosen: is Allah better, or what they associate (with Him)?

آپ کہئے ساری تعریف اللہ کے لئے ہے اور سلام ہے اس کے ان بندوں پر جنہیں اس نے منتخب کر لیا ہے آیا خدا زیادہ بہتر ہے یا جنہیں یہ شریک بنا رہے ہیں۔

Almighty God the most high speaks the truth.

اللہ بزرگ و برتر نے سچ فرمایا ہے۔