Namaz-e-Aayaatنمازِ آیات

نماز آیات کے احکام

یہ نماز زلزلہ، چاند و سُورج گرہن، سُرخ و سیاہ آندھی اور دیگر حوادثاتِ آسمانی کے وقت پڑھنا واجب ہے۔ پہلے نیت کرے کہ نمازِ آیات پڑھتا ہوں (۲ رکعت) واجب قربۃً الی اللہ، اس کے بعد تکبیرۃ الاحرام کہے اور سورۂ فاتحہ اور کوئی بھی سورہ پڑھ کر رکوع کرے، پھر کھڑے ہو اور مثل سابق حمد اور کوئی بھی سورہ پڑھ کر رکوع کرے، اسی طرح ۵ رکوع کرنے کے بعد دونوں سجدوں سے فارغ ہو کر دوسری رکعت بھی اسی طرح بجالائے ۔ دونوں رکعتوں میں ہر دوسرے رکوع سے قبل قنوت پڑھے اور تشہد و سلام پڑھ کر نماز تمام کرے۔ اس طرح اس نماز کی پہلی رکعت میں ۵ رکوع اور ۲ قنوت (دوسرے اور چوتھے رکوع سے قبل) اور دوسری رکعت میں ۵ رکوع اور ۳ قنوت (پہلے، تیسرے اور پانچویں رکوع سے قبل) ہو جائیں گے۔ اس نماز میں کل ۱۰ رکوع اور ۵ قنوت ہوتے ہیں۔ پانچویں اور دسویں رکوع کے بعد سَمِعَ اللہُ لِمَنْ حَمِدَہْ کہے اور سجدہ میں جائے۔ ہر رکوع میں جانے سے پہلے اور اُٹھنے کے بعد تکبیر کہنا مستحب ہے۔ لیکن پانچویں اور دسویں رکوع کے بعد نہیں۔ سوروں کا بلند آواز سے پڑھنا مستحب ہے۔