Day of Fridayروزِ جمعہ

جمعہ کے روز غسل کرنا سنّتِ مؤکدہ ہے روایت میں ہے کہ رسول اﷲؐ نے امیرالمومنینؑ سے فرما یا:یا علی! جمعہ کے دن غسل کیا کرو اگرچہ اس روز کی خوراک بیچ کر بھی پانی حاصل کرنا اور بھوکا رہنا پڑے کہ اس سے بڑی کوئی اور سنت نہیں ہے۔

امام جعفر صادقؑ سے منقول ہے: جو شخص جمعہ کے رو ز غسل کر کے درج ذیل دعا پڑ ھے تو وہ آئندہ جمعہ تک گناہوں سے پاک ہو گایا طہارتِ باطنی کی بدولت اس کے اعمال قبول ہوں گے۔البتہ اس میں کمالِ احتیاط یہ ہے کہ جہاں تک ممکن ہو سکے جمعہ کا غسل ترک نہ کرے اس کا وقت طلو عِ فجر سے زوالِ آفتاب تک ہے اور زوال سے جتنا قریب ہو بہتر ہے۔۔۔

اس روز مو نچھیں اور نا خن کا ٹنے کی بڑ ی فضیلت ہے اس سے رزق میں وسعت ہو گی آئند ہ جمعہ تک گنا ہو ں سے پاک رہے گا اوربرص و دیوانگی اور جزام سے محفو ظ رہے گا نا خن کا ٹتے وقت درج ذیل دعاپڑھے۔ نیز ناخن کاٹنے میں بائیں ہاتھ کی چھوٹی انگلی سے شروع کرے اور دائیں ہاتھ کی چھوٹی انگلی پر ختم کرے۔ پاؤں کے ناخن کاٹنے میں بھی یہی ترتیب قائم رکھے اور کاٹے ہوئے ناخنوں کو دفن کرے۔۔۔

پاکیزہ لباس پہنے اور خوشبو لگائے۔

صدقہ دے کیوں کہ روایت میں ہے شبِ جمعہ و روزِ جمعہ میں دیا ہوا صدقہ عام دنوں کے صدقے سے ہزار گنا زیادہ شمار ہوتا ہے۔

امام جعفر صادقؑ فرماتے ہیں : اس مسلمان پر افسوس ہے جو سات دنوں میں (جمعہ کے دن بھی) خود کو مسائلِ دینی کی تعلیم حاصل کرنے میں مشغو ل نہیں رکھ سکا اور دنیا کے کاموں میں پھنسا رہا۔

روایت میں آیا ہے : جو شخص جمعہ کے دن ۱۰۰ مرتبہ درود و صلوات ۱۰۰ مرتبہ اَسْتَغْفِرُاللہَ اور سورۂ اخلاص پڑھے تو اس کے گناہ معاف ہو جائیں گے۔

اپنے والدین اور دیگر مومنین کی قبروں کی زیارت کے لئے جائے کہ اس کی بڑی فضیلت بیان ہوئی ہے۔ جیسا کہ امام محمد باقرؑ فرماتے ہیں : جمعہ کے دن مُردوں کی زیارت کرو کیوں کہ وہ جانتے ہیں کہ کون ان کی زیارت کے لئے آیا ہے وہ خوش ہوتے ہیں۔

یہ دُعاء ندبہ پڑھیں جو چاروں عیدوں میں پڑھی جاتی ہے۔

فجر اور ظہر کے درمیان میں نماز جعفرِ طیارؑ پڑھے۔

اس روز نمازِ کاملہ پڑھے۔

آج کے دن زیارتِ معصومینؑ روزِ جمعہ پڑھے۔

آج زیارتِ جمعہ پڑھے۔

آج درودِ حضرت محمدؐ پڑھے۔

حارث ہمدانی نے امیرالمومنینؑ سے روایت کی ہے : اگر ممکن ہو تو جمعہ کے دن ۱۰ رکعت نماز پڑھے اور رکوع وسجود اچھی طرح بجا لائے۔ اس دوران میں ہر رکعت کے بعد ۱۰۰مرتبہ پڑھے۔۔۔

معتبر سند کے ساتھ امام جعفر صادقؑ سے منقول ہے کہ جمعہ کے دن ۲ رکعت نماز پڑھے کہ جس کی پہلی رکعت میں سورۂ فاتحہ کے بعد سورۂ ابراہیم اور دوسری رکعت میں سورۂ فاتحہ کے بعد سورۂ حجرکی تلاوت کرے،پس وہ پریشانی ودیوانگی بلکہ ہر بلاوآفت سے محفوظ رہے گا۔

جمعہ کے دن نمازِامام مہدی (ع) پڑھے۔

روزِ جمعہ کے اعمال میں سے ایک عمل یہ بھی ہے کہ زوالِ آفتاب کے وقت وہ دُعا پڑھیں جو امام جعفر صادقؑ نے محمدابن مسلم کو تعلیم فرمائی تھی اسے ہم شیخؒ کی مصباح سے نقل کر رہے ہیں۔۔۔

پھر دُعا يَاسَابِغَ النِّعَمِپڑھے۔

جمعہ کے دن نمازِ ظہر کے فریضہ میں سورۂ منافقون اور عصرکے فریضہ میں سورۂ جمعہ اور سورۂ اخلاص پڑھیں۔ شیخ صدوقؒ نے امام جعفر صادقؑ سے روایت کی ہے کہ آپ نے فرمایا : جو چیزیں ہر شیعہ مومن پر واجب و لازم ہیں ان میں سے ایک یہ کہ وہ شبِ جمعہ کی نماز میں سورۂ جمعہ و سورۂ اعلیٰ اور جُمعہ کی نمازِ ظہر میں سورۂ جمعہ و سورۂ منافقون پڑھے۔ جس نے یہ عمل انجام دیا گویا اس نے حضرت رسُولؐ کا عمل انجام دیاہے اور خدا کی طرف سے اس کی جزا بہشتِ بریں ہے۔

شیخ طوسیؒ مصباح میں جمعہ کے دن ظہرکے بعد کی تعقیبات کے ضمن میں امام جعفر صادقؑ سے روایت کرتے ہیں : جو شخص روزِ جمعہ بعد از سلام درج ذیل سورے اور آیتوں کو ۷-۷ مرتبہ پڑھے تو وہ اس جمعہ سے آئندہ جمعہ تک دُشمنوں کے شر اور دیگرآفات سے محفوظ رہے گا۔۔۔

ا) سورۂ فاتحہ

ب) سورۂ ناس

ت) سورۂ فلق

ث) سورۂ اخلاص

ج) سورۂ کافرون

ح) توبہ: ۱۲۸۔۱۲۹

خ) حشر:۲۱۔۲۴

د) آل عمران: ۱۹۰۔۱۹۴

امام جعفر صادقؑ کا فرمان ہے :جو شخص جمعہ کے روز نمازِ فجر یا ظہر کے بعد کہے۔۔۔

تو ایک سال تک اس کا کوئی گناہ نہیں لکھا جائے گا۔ نیز فرمایا : نمازِ فجر اور ظہر کے بعد کہے تو اسے اس وقت تک موت نہیں آئے گی جب تک وہ امام زمانہ (عج)کا دیدار نہ کرلے۔ مؤلف کہتے ہیں : اگر کوئی شخص جمعہ کے روز نمازِ ظہر کے بعدپہلی دعا کو تین با ر پڑھے تو وہ آئندہ جمعہ تک سختیوں سے امان میں رہے گا۔نیز روایت میں ہے : جو شخص جمعہ کے دن دو نمازوں کے درمیان محمدؐ و آلِ محمدؑ پر درود بھیجے تو اس کو ستّر رکعت نماز کے برابرثواب حاصل ہو گا۔۔۔

وہ دو نوں دعائیں پڑھے جو صحیفۂ کاملہ کی ہیں۔۔۔

صحیفۂ سجادیہ دعا -۴۶

صحیفۂ سجادیہ دعا -۴۸

جمعہ یا ظہر کی نماز کے بعد نماز یوم جمعہ پڑھے۔