Eve of Fridayشبِ جمعہ

جمعہ کے فضائل

حضرت رسولِ خداؐ نے فرمایا، یقینًا جمعہ دنوں کا سردار ہے۔ جمعہ کے دن اللہ تعالیٰ (اعمالِ خیر کے) ثواب کو دگنا، گناہوں کی مغفرت، ایمان کی بلندی، دُعاؤں کی قبولیت، پریشانی سے نجات اور نیک خواہشات کو پورا کرتا ہے۔

شیخ صدوق سے روایت ہے کہ، امام جعفر صادقؑ نے فرمایا؛ اپنی شبِ جمعہ کی واجب نمازوں میں سورۂ جمعہ اور سورۂ اعلیٰ پڑھا کرو۔

روایت میں ہے : شبِ جمعہ پُر نور رات اور روزِ جمعہ روشن ترین دن ہے لہٰذااس شب وروز میں بکثرت درودوصلوات اور مذکورہ ذکر کو پڑھیں۔۔۔

پھر دُعاء استغفار بھی پڑھے۔

نماز شبِ جمعہ بھی پڑھے۔

شبِ جمعہ میں قرآن کی ان سورتوں کی تلاوت کرنا چاہیے کہ ان میں سے ہر ایک کے فوائد کثیر اور ثواب بہت زیادہ ہیں۔۔۔

ا) سورۂ اسراء

ب) سورۂ کہف

ت) سورۂ شعراء

ث) سورۂ نمل

ج) سورۂ قصص

ح) سورۂ سجدہ

خ) سورۂ یس

د) سورۂ ص

ذ) سورۂ احقاف

ر) سورۂ واقعہ

ز) سورۂ حم سجدہ

س) سورۂ دخان

ش) سورۂ طور

ص) سورۂ قمر

ض) سورۂ جمعہ

بہ سند صحیح امام جعفر صادقؑ سے منقول ہے کہ جو شخص شبِ جمعہ نافلۂ مغرب کے آخری سجدے میں سات مرتبہ یہ دعا پڑھے تو اس عمل سے فارغ ہونے سے پہلے اس کے سارے گناہ معاف ہو چکے ہوں گے اگر ہر شب میں اس دعا کو پڑھتا رہے تو اور بھی بہتر ہے، وہ دعایہ ہے۔۔۔

علامہ مجلسی نے یہ دُعا شبِ جمعہ میں پڑھی، دوسرے شبِ جمعہ جب آپ نے پڑھنا شروع کیا تو آوازِ غیب آئی کہ مجلسی تم نے یہ دُعا جو گذشتہ جمعہ پڑھی تھی اسی کا ثواب ابھی لکھا جا رہا ہے ثواب کا سلسلہ ابھی تک ختم نہیں ہوا ہے۔ لہٰذا حتی الامکان دُعاء شبِ جمعہ ایک مرتبہ ضرور پڑھیں، انشاءاللہ اس کا بےحد و حساب ثواب ملےگا۔۔۔

رسول اللہؐ سے مروی ہے : جو شخص شبِ جمعہ یا روزِ جمعہ دعا اَللّٰهُمَّ اَنْتَ رَبِّيْ لَا اِلٰهَ ۷ مرتبہ پڑھے اور اگر اس رات یا اس دن فوت ہو جائے تو جنّت میں داخل ہو گا۔

شیخ طوسیؒ،سید کفعمیؒ اور سید ابن باقیؒ فرماتے ہیں:شبِ جمعہ،روزِ جمعہ، شبِ عرفہ اورروزِ عرفہ دعا اَللّٰهُمَّ مَنْ تَعَبَّا پڑھنا مستحب ہے۔

دُعاء کمیل پڑھیں۔

اَللّٰھُمَّ یَاشَاھِدَ

دُعا یَادَآئِمَ الْفَضْلِ عَلٰی الْبَرِیّۃِ ۱۰ مرتبہ پڑھے۔

دجال سے محفوظ رہنے کے لیئے شبِ جمعہ کو سونے سے پہلے سورہ کہف: ۱۰۱۔۱۱۰ کی آیتوں کی تلاوت کرے۔

انار کھائیں جیسا کہ امام جعفرصادقؑ ہر شبِ جمعہ انار تناول فرماتے تھے، اگر سوتے وقت کھائیں تو(شاید)بہتر ہوگا،جیسا کہ روایت میں ہے کہ جوشخص سوتے وقت انار کھائے توصبح تک اس کا جسم وجان امان میں رہے گا۔ مناسب ہو گا کہ انار کھاتے وقت کوئی رومال بچھا لے تاکہ دانے اکٹھے کرے اور پھر کھائے۔ بہتر یہ ہے کہ اپنے انار میں کسی کو شریک نہ کرے۔

شیخ جعفر ابن احمدقمیؒ نے کتابِ عروس میں امام جعفر صادقؑ سے روایت کی ہے : حق تعالیٰ اس شخص کو جنّت میں ایک محل عطا کرے گا جو صبح کی نمازِ نافلہ وفریضہ کے درمیان ۱۰۰ مرتبہ کہے۔۔۔

شیخؒ و سیدؒ اور دیگر بز رگو ں کا فر ما ن ہے : شبِ جمعہ سحر ی کے وقت دعا اَللّٰهُمَّ۔۔۔ وَهَبْ لِيَ الْغَدَاةَ پڑھیں۔

صبحِ جمعہ کے طلوع ہونے کے بعد دُعا اَصْبَحْتُ فِيْ ذِمَّةِ اللهِ پڑھے۔

روا یت میں ہے : جو شخص نما زِ صبح سے پہلے تین مر تبہ یہ ورد کرے تو اس کے گنا ہ بخش دئیے جاتے ہیں چا ہے در یا کے جھاگ سے بھی زیا دہ ہی کیوں نہ ہوں۔۔۔